"ဗုဒ္ဓ၏လမ်းစဉ်သည်ပရဟိတအလုပ်ဖြစ်သည်"

“ဗုဒ္ဓ၏လမ်းစဉ်သည်ပရဟိတအလုပ်ဖြစ်၏”
“ ခရီးများများ သွားလျင် ခလုတ်တိုက်မိတတ်တယ် ”
“ ခလုတ်တိုက်မှာ ကြောက်နေလျင် လိုရာပန်းတိုင်ကို မရောက်ပဲ ရှိလိမ့်မည် ”
“ ဒါကြောင့် ခရီးလဲ သွားပါ၊ ခလုတ်မတိုက်မိအောင်လဲ သတိထားပါ ”
အထက်ပါ သြ၀ါဒစကားများကား ရှေးရှေးသော ဆရာကြီးများ ပရဟိတလုပ်ငန်းများကို လုပ်နေစဉ် လက်ခံ ကျင့်သုံးခဲ့သော quotation များသာ ဖြစ်၏။ စာရေးသူထံ ပရဟိတလုပ်ငန်းများ လုပ်လိုသော ညီငယ်တစ်ယောက်က ပရဟိတလုပ်ငန်းနှင့် ဗုဒ္ဓဒေသနာများ ဘယ်လို ဆက်စပ်မှု ရှိနေပါသလဲ? ဘယ်လိုစိတ်ထားများနှင့် အများအကျိုးပြုလုပ်ငန်းများကို ဆောင်ရွက် ရပါ့မလဲ? ဟု မေးမြန်းလာသော ကြောင့် ရေးသားလိုက်ပါသည်။
ဘာမှမလုပ်တဲ့သူတွေအတွက် ဘယ်လိုတုန့်ပြန်မှုမျိုးမှ မလာတတ်သော်လည်း ပရဟိတလုပ်ငန်းတွေ လုပ်နေပြီ ဆို လျင် အကောင်း အဆိုး လောကဓံများနှင့် အတိုက် အခိုက်၊ အတွန်း အထိုး၊ အပင့် အမြှောက်၊ ချောက်တွန်းသူတွေက ဒုနဲ့ဒေး တွေ့ကြုံရမှာ မလွဲပါပဲ၊ တစ်ချို့က တွဲခေါ်ကြသလို၊ တစ်ချို့က တက်နင်းချင်ကြပါတယ်၊ လိုသူတွေက ချီးမွမ်းကြ သလို မလိုသူတွေက တွန်းချကြလိမ့်မယ် ဆိုတာ လူသားများရဲ့ သီအိုရီ တစ်ခုလို ဖြစ်နေပါပြီ၊
များသောအားဖြင့် လူ့စိတ်ဆိုတာကလဲ ချီးမွမ်းစကား တစ်ခွန်းပြောဖို့ ခက်ခဲနေပေမယ့် အပြစ်ပြောဖို့ ဆိုရင်တော့ ရည်ရွယ် ချက်ရှိလို့ဖြစ်စေ၊ မရှိပဲ ဖြစ်စေ ပြောမိတတ်ကြပါတယ်၊ ကောင်းစေချင်လို့ ပြောတာ ရှိသလို ချောက်တွန်းချင်လုိ့ မနာလိုလို့ ပြောခြင်းများလဲ ကြုံတွေ့ရမှာပါ။ သို့သော်လည်း လူအများရဲ့ ဒီသဘောတရားလေးကို ယောနိသော မနသိကာရ proper attention, judicious consideration ဆိုတဲ့ကိုယ်ချင်းစာ နားလည်စိတ်လေး ထားပြီး နားလည်နိုင်ပြီ လက်ခံနိုင်ပြီ ဆိုရင်တော့ သင်ဟာ အရာရာ အောင်မြင်နိုင်ပါပြီ။
အဲဒီလို အကောင်း အဆိုး လောကဓံတွေ ဆိုတာကတော့ ပရဟိတသမားများအတွက် အတိတ်ကလဲ ရှိခဲ့သလို ယခုလဲ ရှိနေကြဆဲ နောင်လဲ ရှိနေအုံးမှာပါ၊ ဒါကပဲ လူသား ဖြစ်စဉ်၊ လူ့ပတ်ဝန်းကျင်ဖြစ်စဉ် တခုလို လည်ပတ်နေတယ်လို့ ဆိုနိုင် ပါတယ်၊ နောက်ဆုံး ကုန်ကုန်ပြောရလျင် တစ်လောကလုံးမှာ perfect အဖြစ်ဆုံး၊ အပြစ်တစ်စုံတစ်ရာ ထောက်ပြစရာ မရှိပါဘူး ဆိုတဲ့ မြတ်စွာဗုဒ္ဓတောင်မှ သိဒ္ဓတ္ထဘ၀မှာ ကဲ့ရဲ့ခံရတယ်၊
ဘုရားဖြစ်ပြီးနောက်မှာလဲ ၄၅ နှစ်ပတ်လုံး လူသား တွေရဲ့ ကဲ့ရဲ့ဒဏ်၊ ဆဲဆိုဒဏ်တွေကို လူသတ်မှု၊ ကာမေသုမိစ္ဆာစာရအမှု စတဲ့ ကြီးမားတဲ့ အပြစ်တွေအပါအ၀င် စွပ်စွဲချက် fraudulent charge တွေမျိုးစုံကို အကြိမ်ပေါင်း များစွာ ခံခဲ့ရတာပါ၊ စာရေးသူတို့လို သာမာန် အညတရ လူသား တွေမှာတော့ ကဲ့ရဲ့ခံရတာ စွပ်စွဲ ခံရတာ မထူးဆန်းတော့ဘူး လို့ ဆိုရပါမယ်။ အဲဒီလို ကိုယ့်စိတ်ကို ဖြေသိမ့် နိုင်ပြီ ဆိုလျင်လည်းဘယ်ကိစ္စကိုပဲ ဆောင်ရွက် သည်ဖြစ်စေ လောကဓံကို ခံနိုင်ရည် ရှိလာပါလိမ့်မယ်၊
ဗုဒ္ဓမြတ်စွာ၏ ပရဟိတစိတ်ထားများ
ပရ - သူတပါး၏၊ ဟိတ - အကျိုးစီးပွားကို လိုလားသူ ( ဒီနေရာမှာ သဒ္ဒါစည်းကမ်းအရ အဿတ္တိတဒ္ဓိတ်၊ ဗဟုဗ္ဗီဟိ သမာတ်ဖြင့် ) အများကောင်းကျိုးကို လိုလားသူ အဆင့်ထိ ယူရပါမယ်၊ ဒါဆိုရင်တော့ လေးအသင်္ချေနဲ့ ကမ္ဘာတစ် သိန်း ကာလမှာ သုမေဓာရသေ့ဘ၀ကတည်းက ပရဟိတ စိတ်ထား ရှိခဲ့လို့သာ ဒီနေ့ အချိန်မှာ ဂေါတမဗုဒ္ဓ သာသနာဆိုတာ ရှိနေခဲ့တာပါ၊ တကယ်လို့ သုမေဓာရသေ့လေးမှာ ပရဟိတစိတ်ထား မရှိခဲ့လျင် ဒီနေ့ သာသနာ ဆိုတာ ရှိမှာ မဟုတ်တော့ဘူး၊ ကိုယ်တိုင် လက်တစ်ကမ်းမှာ ရောက်နေတဲ့ နိဗ္ဗာန်ကို မယူပဲ သူများကို ကယ်မယ်၊ သတ္တ၀ါတွေကို ကယ်မယ် ဆိုတဲ့ စိတ်နဲ့ အနစ်နာခံ၊ အပင်ပန်းခံပြီး ပါရမီတော်တွေကို ဖြည့်ဆည်းခဲ့တာ ပရဟိတစိတ်ထား အခြေခံကြောင့်ပဲ ဖြစ်ပါတယ်။
ဘုရားအလောင်းဘ၀မှာ လူဖြစ်ဖြစ်၊ နတ်ဖြစ်ဖြစ်၊ တိရိစ္ဆာန်ဖြစ်ဖြစ် ဘယ်နေရာ ဘယ်ဘုံဋ္ဌာနကို ရောက်နေသည်ဖြစ်စေ၊ ပရဟိတလုပ်ငန်းတွေ လုပ်ခဲ့တာ ဒီနေ့ ဇာတကအဋ္ဌကထာ များနဲ့ သုတ္တန်ဒေသနာတော်များမှာ အထင်အရှားရှိနေ ခဲ့တယ်၊ နောက်ဆုံး လူတွေနဲ့ မရောယှက်နိုင်တဲ့ ဗြဟ္မာဘ၀ကို ရောက်နေတာတောင်မှ ဇာတ်တော်ကြီး ၁၀ မျိုးထဲက နာရဒ ဇာတ်တော်မှာ နာရဒဗြဟ္မာ ဘ၀နဲ့ လူတွေ တရားပျက်၊ သီလပျက်နေတာကို လစ်လျူမရှုနိုင်တာကြောင့် အော် လူသားတွေ အပါယ်ရောက်ကြရှာတော့မယ် ၊ ငါ-သွားကယ်မှပဲ ဆိုပြီး လူ့ပြည်ကို ဆင်းကာ တရားဟောပြပြီး လူအများကို ကယ်တင် ခဲ့ဖူးတယ်။ တကယ်ဆို ဗြဟ္မာဘ၀နဲ့ ကိုယ့်ဘာသာ ဈာန်ချမ်းသာလေး ခံစားပြီး အေးအေးငြိမ်းငြိမ်းနေနိုင်တယ် မဟုတ် လား၊ ဒါပေမယ့် သူတော်ကောင်းစိတ် ဓာတ်ခံက ဘ၀ပေါင်းများစွာ ကိန်းအောင်းလာခဲ့လေတော့ မနေနိုင်ရှာဘူး၊ တတ်နိုင် သမျှ ကယ်တင်ခဲ့ရှာတယ်။
ယခုပစ္စပ္ပန်ဘ၀ ဘုရားရှင်ဖြစ်ပြန်တော့လဲ ပြုစုမည့်သူ မရှိတဲ့ ဂိလာနရဟန်းကို ကိုယ်တော်တိုင် ရေနွေးအိုးတည်ကာ အနာ ပုပ်၊ ပြည်ပုပ်တွေကို ဖန်ရည်ဆေးကြောကာ ပြုစုတော်မူပြီး ပရဟိတစိတ်ထားကို ဖော်ပြသွားခဲ့တယ်၊ နောက် ရဟန္တာဖြစ်ပြီး နွားဝှေ့ခံရကာ ပရိ နိဗ္ဗာန်စံတော်မူရရှာတဲ့ ခိပ္ပါဘိညာ ဧတဒဂ်ရ အရှင်ဗာဟိယ ဒါရုစီရိယအလောင်းကောင် ကိုလဲ ကောင်းေ ကာင်း မွန် မွန် မီးသဂြိုလ်ပေးရန် စီမံတော်မူခဲ့တယ်၊
ဒါတွေဟာ ဗုဒ္ဓ ဘုရားရှင်ရဲ့ ပရဟိတလုပ်ငန်းများဖြစ်ပြီး တရားရေအေး တိုက်ကျွေးတာဟာလဲ အမြတ်ဆုံး ပရဟိတ လုပ်ငန်းပါ ပဲ၊ ဘုရားရှင်ရဲ့ လမ်းစဉ်ကို အားကျခဲ့ကြတဲ့ ယသသူဋ္ဌေးသား တို့ အုပ်စုဟာလဲ ယနေ့ ဦးကျော်သူတို့လို အဖွဲ့ အစည်းမျိုး ထူထောင်ကာ ပရဟိတလုပ်ငန်းကို တွင်တွင်ကျယ်ကျယ် လုပ်ခဲ့၊ သက်သေပြခဲ့တာကြောင့် နောင်တစ်ချိန်မှာ ရဟန္တာဘ၀ကို အလွယ်တကူ ရရှိခဲ့ပြန်တယ်၊ ဆိုရရင်တော့ ပရဟိတစိတ်ထားကနေ နိဗ္ဗာန် အထိတောင် ဧဟိဘိက္ခု ဘ၀နဲ့ ပို့ပေးနိုင်တယ် လို့ ဆိုရမှာပါ။
ပရဟိတအတွက် လိုအပ်သော စိတ်ထားများ
၁။ ကာယကံမေတ္တာ
၂။ ၀စီကံ မေတ္တာ
၃။ မနောကံ မေတ္တာ
၎။ အဂတိ မလိုက်စား၊ မျက်နှာကြီးငယ်မရွေးခြင်း၊
၅။ ကိုယ်ကျင့်တရား
၆။ ယုံကြည်ချက် သဒ္ဓါတရား များ ကိုယ်စီ ရှိထားဖို့ လိုအပ်ပါတယ်၊
ကာယကံမေတ္တာ ဆိုသည်မှာ ပရဟိတလုပ်ငန်းကို လုပ်ကိုင်နေစဉ် တယောက်နဲ့ တစ်ယောက် သူလုပ်မယ် ငါလုပ်မယ် စသည်ဖြင့် မတွက်ကပ်ပဲ နောက်ကွယ်မှာ ဖြစ်စေ၊ ရှေ့မှာဖြစ်စေ အဖွဲ့လိုက် ပျော်ပျော်ပါးပါးဖြင့် လုပ်ဆောင်မှုကို ဆိုပါ တယ်၊
ဝစီကံ မေတ္တာ ဆိုသည်မှာ အဖွဲ့အတွင်းဖြစ်စေ၊ ပြင်ပလူများအပေါ်မှာဖြစ်စေ အပြစ်ကို မြင်လာတဲ့အခါ သည်းခံစိတ် မထားနိုင် ပဲ နှုတ်နဲ့ အပြစ်ပြောမိခြင်းပါ၊ ကိုယ်ဟာ မြင့်မြတ်တဲ့ အလုပ်တွေကို လုပ်နေတာပဲ လို့ စိတ်ထဲမှာ စွဲမြဲမှတ်သား ထားရပါမယ်၊ ကိုယ့်ထက်ငယ်နေလျင် ငါ့ညီရေ၊ ညီလေးရေ၊ ညီမရေ စသည်ဖြင့် ချစ်စဖွယ်စကားကို ပြောဖြစ်ကြရင် ကြားရသူများမှာလဲ နားဝင်ချို လှပါတယ်၊ အသက်အရွယ်ကြီးနေလျင်လဲ အကို၊ အမ စသည်ဖြင့် ယဉ်ယဉ်ကျေးကျေး ပြောဆိုကြမယ် ဆိုရင် ၀စီကံမေတ္တာ နဲ့ ပြည့် စုံပါပြီ၊ ရှေ့မှာဖြစ်စေ နောက်ကွယ်မှာ ဖြစ်စေ အပြစ်တင် ကုန်းချော မလုပ် သင့်ပါဘူး။
မနောကံ မေတ္တာကတော့ သူတပါးအပြစ်တွေ မြင်လာရင်တောင် မေတ္တာတရားလက်ကိုင်ထားကာ နားလည်မှု ခွင့်လွှတ်မှု များနဲ့ ရေရှည်လက်တွဲသွားနိုင်အောင် ယောနိသော မနသိကာရ လေးထားပြီး ကိုယ့်စိတ် ကို ထိန်းချုပ်သင့်ပါတယ်၊ တကယ်လို့ သူများက အမှားလုပ်မိရင်တောင် စေတနာအမှားပဲလေ ဆိုပြီး ခွင့်လွှတ်ပေး နိုင်တာဟာ မနောကံမေတ္တာပါပဲ၊
အထူးသဖြင့် အဖွဲ့ဝင်အချင်းချင်းရဲ့ အပြစ်ကို မြင်သော်လည်း သည်းခံခွင့်လွှတ် နားလည် ပေးနိုင်ရပါတယ်၊ မေတ္တာထားဖို့ လိုအပ် သလို ကရုဏာစိတ် ရှိပါမှလည်း ပရဟိတကို ဆက်လက် လုပ်ဆောင်နိုင်မှာပါ၊ ကိုယ်က ပေးလိုက်ရလို့ ကူညီ လိုက်ရလို့ သူတ ပါးတွေ ပြည့်စုံသွားတာကို မြင်ရပြန်တော့ မုဒိတာ ဆိုတဲ့ ပီတိစိတ်လေး ဖြစ်ရပြန်တယ်၊
ပရဟိတလုပ်သူမှန်သမျှ အရေးကြီးဆုံး လိုက်နာစရာအချက်က အဂတိလိုက်ခြင်း biases တွေပါ၊ ဘယ်အသင်း အဖွဲ့ မှာမဆို အဂတိ လိုက်တာ ရှိခဲ့ရင် ကွဲ ပြဲကုန်တော့တာပါပဲ၊ ချစ်လို့ မျက်နှာလိုက်တဲ့ ဆန္ဒာဂတိ၊ အမြင်မတူကြရင်း အမြင် စောင်း လို့ ဖြစ်တတ်တဲ့ ဒေါသာဂတိ၊ မသိလို့၊ သတိလက်လွတ်ဖြစ်လို့ မှားမိတတ်တဲ့ မောဟာဂတိ၊ အထက်လူကြီး အာဏာ ရှိသူ များကို ကြောက်လို့၊ ခြိမ်းခြောက်ခံရလို့ လုပ်မိတတ်တဲ့ ဘယာဂတိ စတာတွေဟာ သတိထားစရာ ရှောင်ကြဉ် စရာများပဲ ဖြစ်ပါတယ်၊ ဒါကြောင့်လဲ ပရဟိတအဖွဲ့များမှာ မျက်နှာ ကြီးငယ်၊ ရာထူး ဂုဏ်ဒြပ်တွေကို တိုင်းတာပြီး ခွဲခြား ခွဲခြား လုပ် လျင်ေ တာ့ ရေရှည် လက်တွဲဖို့ ခဲယဉ်းပြီး ပြိုကွဲသွားတတ်ပါတယ်။
လူတွေရဲ့ ပတ်ဝန်းကျင် အသင်းအဖွဲ့၊ ဘယ်နေရာမှာ ဖြစ်စေ အရေးကြီးဆုံးက ကိုယ်ကျင့်တရား moralityပါ၊ ကိုယ်ကျင့် တရား မကောင်းလျင် ဘယ်လောက် ကောင်းတာတွေ လုပ်နေနေ၊ မည်သူမျှ ယုံကြည်မှု မရှိသလို ကိုယ့်ဘာသာလဲ ယုံကြည်မှု confidence မတည်ဆောက်နိုင်ပါဘူး၊ ကိုယ်က ကိုယ်ကျင့်တရားမကောင်းဘူး ဆိုလျင်တော့ ပတ်ဝန်းကျင်က မေးငေါ့ကာ အပြစ်ပြောေ န ကြပါ လိမ့်မယ်။
မြတ်စွာဘုရားရှင် ဟောကြားထားခဲ့တဲ့ ဓာတုသံသန္ဒန သုတ်တော်မှာ သတ္တ၀ါတွေဟာ ဓာတ်ခံဆိုတဲ့ element or inherent တွေ တူတဲ့သူ အချင်းချင်းပဲ ပေါင်း သင်းလို့ ရတယ်တဲ့၊ အရက်ကြိုက်သူအချင်းချင်း၊ မူးယစ်ဆေး ကြိုက် သူအချင်းချင်း၊ ကာမေသုမိစ္တာစာရ ၀ါသနာတူသူ အချင်းချင်း စသည်ဖြင့် မကောင်းဓာတ်ခံရှိသူချင်း ပေါင်းသင်းကြသလို ဒါနသီလဘာဝနာမွေ့လျော်သူအချင်းချင်းလဲတစ်ယောက်နဲ့တစ်ယောက်လေးစားပြီးဓာတ်တဲ့ကြတယ်၊ပေါင်းဖက်လက်တွဲ
နိုင်တယ် လို့ ဆိုပါတယ်၊
ဘုရားတရားမြဲသူနဲ့ အရက်သမား ပေါင်းသင်းလို့ မရဘူးဆိုတာ လုံးဝဥဿုံ ပေါင်းသင်းမရတာ မဟုတ်ပါ၊ မေတ္တာနဲ့ ရေရှည်လက်တွဲ ဆက်ဆံမရတာကို ဆိုလိုပါတယ်၊ ဒါကြောင့် ပရဟိတလုပ်နေရင်း ကိုယ်တိုင်က သီလ စင်စင်ကြယ် ကြယ်နဲ့ ကိုယ်ကျင့် တရား ပြည့်စုံထားလျင် သီလမြေပေါ်မှာ စိုက်ပျိုးလိုက်တဲ့ ဒါနမျိုးစေ့တိုင်းဟာ ရှင်သန်ကြီးထွား အကျိုး ပေးမှာ အသေ အချာပါပဲ။
ကိုယ်ကျင့်တရားက အရေးပါသလို တစ်ယောက်ချင်းဖြစ်စေ အဖွဲ့လိုက်ဖြစ်စေ ယုံကြည်ချက် သဒ္ဓါတရား ဆိုတဲ့ ကံ ကံ၏ အကျိုးကို ယုံကြည်တာကလဲ အရေးပါပါတယ်၊ ယနေ့ခေတ် နိုင်ငံရေး၊ စီးပွားရေး၊ လူမှုရေး၊ ကျမ္မာရေး၊ ပညာရေး စတဲ့ အသင်းအဖွဲ့အစည်းက လူတွေမှာ ကိုယ်စီ ကိုယ်စီ ယုံကြည်ချက် မတူညီလျင် လက်တွဲလို့ မရနိုင်တာ အားလုံး အသိပဲ ဖြစ်ပါတယ်၊
အဓိပတိလေးပါးသာသူ ခေါင်းဆောင်ဖြစ်မည်
ဆန္ဒာဓိပတိ - ကောင်းမြတ်တဲ့ စိတ်ဆန္ဒ၊ အကျိုးလိုလားတတ်တဲ့ ဆန္ဒအားကောင်းသူ၊
ဝီရိယာ ဓိပတိ - ကိုယ်တိုင် အားတက်သရော ကြိုးစားအားထုတ်လိုတဲ့ ၀ီရိယ ထက်သန်သူ၊
စိတ္တာ ဓိပတိ - စိတ်ရှည်မှု၊ သည်းခံနိုင်မှု၊ ဇွဲကောင်းမှုများနှင့် မေတ္တာတရားဖြင့် လူအများကို လွှမ်းမိုးထား နိုင်သူ၊
ဝီမံသာ ဓိပတိ - အရာရာတွင် သတိ ပညာဖြင့် ကျော်လွှားနိုင်သူ၊ ဖြတ်ထိုးဥာဏ်ကောင်းသူ၊ ပညာအားကြီးသူ၊
သာမာန်ထက် ထက်သန်သော အဓိပတိ၊ အရာရာတိုင်းတွင်လွှမ်းမိုးနိုင်သော predominant factor တွေ ပြည့်စုံနေ သူများကတော့ အဖွဲ့အစည်းတစ်ခု၊ တိုင်းပြည်တစ်ခု နိုင်ငံတစ်ခုမှာ ခေါင်းဆောင်ဖြစ်နိုင်ပြီး မပြည့်စုံသေး သူများက နောက်လိုက်များ ပဲ ဖြစ် တတ်ပါတယ်၊ နောက်ဆုံး တရားထူးရဖို့ နိဗ္ဗာန်သွားဖို့ ကြိုးစားကြမယ် ဆိုရင်တောင် အဓိပတိ လေးပါးက မပါမဖြစ် ပြည့်စုံရမှာပါ။
ဘုရားမြတ်စွာက အထက်ပါ အင်္ဂါခြောက်ချက်ကို တသက်လုံး လိုက်နာနိုင်ရင် လူအများရဲ့ ချစ်ချင်မှုကို ခံရမယ်၊ လေးစား မှုကို ခံရမယ်၊ ချီးမြှောက်မှုကို ခံရမယ်၊ တသက်လုံး အမှတ်တရ သတိတရ ရှိနေသင့်တဲ့ သာရဏီယ တရားတွေ လို့ ဟော တော်မူခဲ့တယ်။ ပရဟိတစိတ်ထား ရှိကြသူ သူတော်ကောင်းအားလုံးဟာ ဖော်ပြခဲ့တဲ့ သဒ္ဓါ၊ သီလ ၊ ၀ီရိယ၊ ခန္တီ၊ မေတ္တာ၊ ကရုဏာ၊ မုဒိတာ စတဲ့ ကောင်းမြတ်တဲ့ ဗြဟ္မစိုရ် တရားတွေကို အတတ်နိုင်ဆုံး ပြည့်စုံကြဖို့ လိုအပ်ပါတယ်။
“ ငါတို့ ဘယ်လောက် လုပ်ပေးနိုင်သလဲဆိုတာ အရေးမကြီးဘူး၊ ကူညီခဲ့တဲ့ကိစ္စတွေမှာ ဘယ်လောက်မေတ္တာတွေ ပေးနိုင်ခဲ့ သလဲ ဆိုတာပဲ အရေးကြီးတယ်၊
ငါတို့ ဘယ်လောက်အတိုင်းအတာအထိ ပေးကမ်းစွန့်ကြဲ လှူဒါန်းနိုင်တယ် ဆိုတာက အဓိကမဟုတ်ဘူး၊ လှူဒါန်းခဲ့တဲ့ အပေါ် မှာ မေတ္တာတွေ ဘယ်လောက် မျှဝေနိုင်ခဲ့သလဲ ဆိုတာပဲ အရေးကြီးတယ် ”
ဆိုတဲ့ ရာစုခေတ်သစ်ရဲ့ လူသားအကျိုးပြု ခေါင်းဆောင်ကြီး မာသာထရီဇာ Mother Teresa ရဲ့ စိတ်ထားကို အတုယူကာ မြင့်မြတ်သော စိတ်ထားများနဲ့ မြတ်မြတ်သော လမ်း စဉ်ကို လျောက်လှမ်းကြရင်း မြင့်မြတ်သောလူသားများ ဖြစ်နိုင်ကြ ပါစေလို့ စေတနာစကား ပါးလိုက်ရပါသည်။

(ဆရာတော်…အရှင်သုနန္ဒာလင်္ကာရ M.A ( ပန်းကမ္ဘာ )ထံမှပြန်လည်မျှဝေဓမ္မဒါနပြုပါသည်)