Monday, December 30, 2013

အထင်သေးခြင်း အချင်းချင်း ကင်းရှင်းကြပါစေ။


US မှာ ဖြစ်ပျက်ခဲ့တဲ့ အဖြစ်အပျက်ကလေးတခုပါ။

လင်မယားနှစ်ယောက် ဟာ Harvard တက္ကသိုလ် ဥက္ကဋ္ဌနဲ့ တွေ့ဖို့ အတွက် တက္ကသိုလ်ရုံးခန်းသို့ ရောက်လာခဲ့ပါတယ်။

အတွင်းရေးမှူး မှ သူတို့နှစ်ယောက် ကို ကြည့်ပြီး အသွင်အပြင်က သားနားမူမရှိ၊ တောအ၀တ်အစား ပုံစံဆိုပြီး ဂရုမစိုက်ဘဲ ဥက္ကဋ္ဌကို တွေ့ချင်ရင် စောင့်ရမယ် သွားထိုင်စောင့်ဆိုပြီး ပြတ်ပြတ်ပြော ပြီး သူ့ အလုပ်သူဆက်လုပ်နေတယ်။

၁ နာရီလောက်ကြာတော့ အတွင်းရေးမှူးလည်း ဥက္ကဋ္ဌကို မခေါ်ပေး ငါမခေါ်ပေးရင် သူတို့ မစောင့်နိုင်ဘဲ ပြန်သွားလိမ့်မယ်လို့ တွေးပြီး သူ့အလုပ်သူဆက်လုပ်နေတယ်။

ဝတ်စားကောင်းစားနဲ့လာတဲ့ ဧည့်သည်ကြတော့ သူက ပြုံးရွှင်စွာနဲ့ ကြိုဆိုပြီး ဥက္ကဋ္ဌ ရုံးခန်းထဲကို လိုက်ပို့တယ်။လင်လုပ်သူက သတင်းစာတခုပြီး တခု အေးဆေးစွာ ထိုင်ဖတ်တယ်။ မယား လုပ်သူက ပြုံးပြုံးလေးနဲ့ အတွင်းရေးမှူး မလေးကို မကြာမကြာ ပြုံးပြုံး ပြတယ်။

နောက်တော့ အတွင်းရေးမှူးမှ သည်းမခံနိုင် တဲ့ ပုံစံဖြစ်ပြီး ဥက္ကဋ္ဌကို ၀င်ပြောတော့ ဥက္ကဋ္ဌက ဝင်လာဖို့ ပြောတော့မှ လင်မယား နှစ်ယောက် လည်း ရုံးခန်းထဲကို ၀င်သွားတယ်။

ဥက္ကဋ္ဌ ရုံးခန်းထဲရောက်တော့ ဥက္ကဋ္ဌမှ မျက်နှာကြောတင်းတင်းနဲ့"ဘာကိစ္စလဲ " လို့ မေးတယ်။

အဲတော့ မယားလုပ်သူမှ"ဒီလိုပါ ကျမတို့မှာ သားတစ်ယောက် ရှိပါတယ်။သူ ဒီ တက္ကသိုလ်ကို တစ်နှစ်ပဲ တက်လိုက်ရပြီး ရုတ်တရုက် ကွယ်လွန်သွားပါတယ်၊ အဲတာကြောင့် ကျမတို့ လင်မယားက နေပြီး သားအတွက် ဟောဒီ တက္ကသိုလ်ဝင်းထဲမှာ အမှတ်တရ တခုခု လုပ်ချင်လို့ပါ "

အဲမှာ ကျောင်းဥက္ကဋ္ဌက မှ မကျေနပ်တဲ့လေသံဖြင့် " ကျနော်တို့ ကျောင်းမှာ တက်ခဲ့တယ်ဆိုရုံနဲ့ ကျနော်တို့ ရုပ်တု မထားပေးနိုင်ပါဘူး၊ " ဆိုပြီး ပြတ်ပြတ် ပြောတယ်။

အဲမှာ မယားလုပ်သူက" အိုး မဟုတ်ပါဘူး ရုပ်တု ထားဖို့ မဟုတ်ပါဘူး ကျောင်းတစ်ကျောင်း ဆောက်ပေးမလို့ပါ။ " လို့ ပြန်ပြောတယ်။

အဲတော့ ဥက္ကဋ္ဌမှ မျက်လုံးကြီး ပြူးပြီး တော့ သူတို့ အ၀တ်အစားကို ကြည့်ပြီး နောက် "ခင်ဗျားတို့သိလား ကျောင်းဆောင်တစ်ဆောင် ဆောက်ဖို့ဆိုတာ ဒေါ်လာ သန်းချီ ကုန်တယ်ကွယ့် ၊သိကောသိကြလား " ဆိုပြီး အထင်သေးတဲ့ လေသံ နဲ့ ပြန်မေးတယ်။

အဲမှာ မယားက လင်လုပ်သူကို တိုးတိုးလေး ပြောတယ်။ "ဒေါ်လာ သန်းကျော်ပဲ ကုန်တယ်တဲ့ ဒါဆို ကိုယ့် တက္ကသိုလ်ပဲ ကိုယ်ဆောက်ရအောင်"လို့ ပြောပြီး ပြန်သွားကြလေ၏။

ကျောင်း ဥက္ကဋ္ဌလည်း "ငါတော့ ဒီနေ့ အရူး တွေနဲ့ တွေ့နေရတယ်"ဆိုပြီး မြည်တွန်နေတယ်တဲ့။

နောက်တနေ့မှာ သတင်းစာမှာ ဘီလျံနာသူဌေးလင်မယား Mr and Mrs Leland Standford မှနေပြီး Standford တက္ကသိုလ် ဆောက်မယ်လို့ ကြေငြာ တွေ့တော့မှ မနေ့က သူနဲ့ လာတွေ့သွားတဲ့သူနှစ်ယောက်ဟာ ဘီလျံနာသဌေးလင်မယားမှန်း သိတော့မှ သူ့ဝမ်းနည်းသွားခဲ့ရတယ်တဲ့။

Standford တက္ကသိုလ်ကို ၁၈၉၁ မှာ စတင် ဖွင့်လှစ်ခဲ့ပါတယ်။ ၁၉၃၀ အထိ အခမဲ့ ဖြစ်ပြီး အဲ့ နောက်ပိုင်းမှ တက္ကသိုလ်ဝင်ကြေးတွေ၊ tuition fees တွေ ပြန်လည်ကောက်ယူပါတယ်။

စာအုပ်ရဲ့ မျက်နှာဖုံးကို ကြည့်ရုံနဲ့ စာအုပ်တန်ဖိုးကို မဆုံးဖြတ်နိုင်သလို လူတစ်ဦးရဲ့ အသွင်အပြင်ကို ကြည့်ပြီး ထိုလူရဲ့တန်ဖိုး ထိုလူရဲ့ကြွယ်ဝ ချမ်းသာမူကို မဆုံးဖြတ်နိုင်ပါဘူး။

အထင်သေးခြင်း ကင်းရှင်းကြပါစေ။

~MM~သုတစွယ်စုံကျမ်း။

သတင်းချစ်သူ ဝေဟင် မှ ကူးယူသည်။

မမျှော် စိတ်နဲ့ လှူလိုက်ပါ။

ဒါနပြုတယ်ဆိုတာ
ငါစွဲဖြုတ်နေတာ။
ငါပိုင်တယ်ဆိုတာတွေကို
စွန့်လွှတ်ပေးလှူပစ်တာ။
လိုချင်မှု သိမ်းပ်ိုက်မှုဆိုတဲ့
တဏှာလေးတွေကို
ဒါနနဲ့ ခွာချနေတာ။
ရင်ဝမှာ စူးနေတဲ့
လှံကို ဆွဲနှုတ်ပစ်လိုက်တာ။
အမျှော်စိတ်နဲ့
လှူနေရင်
နောက်ထပ်
စိုက်ဝင်စူးဝင်လာမယ့်
လှံတွေကို
ရင်ကော့ပြီး ခံနေရသလိုဖြစ်မှာပေါ့။

            မဟာဗောဓိမြိုင် ဆရာတော်ဘုရားကြီး။

Friday, December 27, 2013

ကုသိုလ်ပြုရင် သိစေချင်သည်-


ကုသိုလ်ကောင်းမှုပြုတာခြင်း တူညီကြပါလျက် အကျိုးပေးတာခြင်းကျ ဘာဖြစ်လိုများ ကွားခြားကြတာလည်းဘုရားဟု အချို့က မေးမြန်းတက်ကြပါသည်။ တိုတိုပဲ ဖြေရမယ်ဆိုရင်တော့ ``ပြုလုပ်စဉ်အခါမှာ ထားတဲ့စိတ် ကွာသွားကြလို့ပဲ´´ဟု ဖြေရမည်ပင်။ မှန်ပါသည် ကုသိုလ်ကောင်းမှု ပြုတဲ့အခါ ကာမဘုံသားများ ပြုတဲ့ကုသိုလ် ရူပဘုံသားများ ပြုတဲ့ကုသိုလ် အရူပဘုံသားများ ပြုတဲ့ကုသိုလ် ဘုရား ရဟန္တာနှင့် အရိယာတို့ ပြုတဲ့ကုသိုလ်ဆိုပြီး ပုဂ္ဂိုလ်အလိုက် ကွဲပြားကြပါတယ်။ အဲဒီထဲမှာမှ ကာမဘုံသားတွေ ကုသိုလ်ပြုရာမှာ ပြုနေစဉ်အတွင်း ထားတဲ့စိတ်အပေါ် မူတည်းပြီး အကျိုးပေးကွာသွားကြတယ်ဆိုတာကိုလည်း သိထားဖို့ လိုပါလိမ့်မယ်။
ကာမဘုံသားထဲမှာပါတဲ့ ပုထုစဉ်လူသားတို့ ကောင်းမှုကုသိုလ်ပြုကြတဲ့အခါ စိတ်ရှစ်မျိုးထဲမှ တစ်မျိုးမျိုးနဲ့ ပြုလုပ်တက်ကြတယ်ဆိုတာကို စာသင်သားတို့လက်သုံး အဘိဓမ္မတ္ထသင်္ဂဟ(သင်္ဂြိုဟ်)ကျမ်းမှာ ကာမာဝစရ မဟာကုသိုလ်စိတ်(၈)ပါးဆိုပြီး ပြထားတဲ့အတွက် အဘိဓမ္မာသင်တန်း တက်ဖူးသူတိုင်း သိကြမှာပါ။ ကုသိုလ်ပြုရာမှာဖြစ်တဲ့စိတ်က (၈)မျိုးအထိတောင် ကွဲပြားတယ်ဆိုတော့ အကျိုးပေးတဲ့နေရာမှာလည်း ကွဲပြားသွားပြီပေါ့။ မဟာကုသိုလ်စိတ်ရှစ်ပါးကို နားလည်ဖို့ဆိုရင်-
ပထမဦးဆုံး ၁။ ဝမ်းမြောက်ဝမ်းသားပြုခြင်း။ (သောမနဿ)
၂။ သာမာန်ပြုကာမတ္တ(စိတ်မပါပေမယ့် အခြေအနေအရ) ပြုလုပ်ခြင်း(ဥပေက္ခာ)ဆိုပြီး နှစ်မျိုးခွဲထားလိုက်ပါ။
အဲဒီနှစ်မျိုးထဲမှာမှ တစ်မျိုးစီမှာ ၁။ ဉာဏ်ယှဉ်ပြီး ကိုယ့်အသိနှင့်ကိုယ်ပြုတဲ့ကုသိုလ် ၂။ ဉာဏ်ယှဉ်ပြီး သူတစ်ပါးကတိုက်တွန်းလေမှ ပြုတဲ့ကုသိုလ် ၃။ ဉာဏ်မပါပဲ ကိုယ့်အသိနှင့်ကိုယ်ပြုတဲ့ကုသိုလ် ၄။ ဉာဏ်မပါပဲ သူတစ်ပါးကတိုက်တွန်းလေမှ ပြုတဲ့ကုသိုလ်ဆိုပြီး လေးမျိုးစီရှိလေတော့ ပေါင်းလိုက်ရင် (၈)မျိုး ဖြစ်သွားမှာပေါ့။ အဲဒီအထဲမှာ အကောင်းဆုံးနဲ့ အကျိုးပေးအကောင်းဆုံး အထက်သန်ဆုံးကုသိုလ်ကတော့ ``ဉာဏ်လည်းယှဉ် သူတစ်ပါးတို့တိုက်တွန်းစရာလည်း မလိုပဲ ကိုယ့်အသိနဲ့ကိုယ်လုပ်တဲ့ ကုသိုလ်ပါပဲ´´။ (မိမိတို့ရဲ့ဆန္ဒတွေ ပြည့်ဝတယ် အောင်မြင်တယ်ဆိုတာ- ကုသိုလ်ပြုခဲ့စဉ်က ဝမ်းမြောက်ဝမ်းသာ ပြုခဲ့လို့ပေါ့။ ဉာဏ်တွေကောင်းကြတယ်ဆိုတာ- ဉာဏ်ယှဉ်ခဲ့လို့ပေါ့။ မိမိပိုင်ဆိုင်မှုအားလုံးဟာ သူတစ်ပါးတို့နှင့် စပ်ဆိုင်မှုမရှိဘူးဆိုရင် ကိုယ့်အသိနှင့်ကိုယ် ပြုခဲ့လို့ပေါ့။) ``ကုသိုလ်ပြုစဉ် ကံကျိုးမြင်သိ ဉာဏ်ယှဉ်ဘိ တိဟိတ်ကုသိုလ်ခေါ်´´လို့ မဟာဂန္ဓာရုံဆရာတောကြီးက ကဗျာစပ်ဆိုခဲ့ပြီး အဲဒီကုသိုလ်မျိုးဟာ ဟိတ်သုံးပါးလုံးနဲ့ယှဉ်လို့ တိဟိတ်ကုသိုလ်လို့လည်း ခေါ်ကြပါတယ်။
ဒါ့ကြောင့် တံမြက်လှည်းတာခြင်းတူပေမယ့် လှည်းတဲ့အပေါ်မှာထားတဲ့ စိတ်အပေါ် မူတည်းပြီး အကျိုးပေးလည်း ကွာသွားနိုင်တယ်ဆိုတာ သဘောပေါက်စေချင်ပါတယ်။ အခြားသော ကုသိုလ်ပြုရာများမှာလဲ ထို့အတူပါပဲ။ ဒီလောက်ဆို မိမိကိုယ်တိုင်ရော အခြားသူများကိုပါ အတိတ်က ဘယ်လိုစိတ်ထားမျိုးတွေနဲ့ ကောင်းမှုတွေပြုခဲ့ကြတယ် အခုလည်း ဘယ်လိုစိတ်တွေနဲ့ပြုနေလို့ ဘယ်လိုအကျိုးတွေ ရရှိလိမ့်မယ်ဆိုတာ သဘောပေါက်လောက်မှာပါ။
အားလုံးပဲ ကုသိုလ်ပြုတိုင်း ထိရောက်အောင် ပြုနိုင်ကြ၍ အကျိုးတရားများလည်း ပြည့်ဝစွာ ရရှိနိုင်ကြပါစေ...

ဓမ္မအသိ လူတိုင်းရှိနိုင်ကြပါစေ...

ဓမ္မပဒ

လောက၌ အမိကိုပြုစုလုပ်ကျွေးခြင်းသည် ချမ်းသာ၏။ အဖကိုပြုစုလုပ်ကျွေးခြင်းသည် ချမ်းသာ၏။ လောက၌ ရဟန်းတို့ကို ပစ္စည်းလေးပါးတို့ဖြင့် အရိုအသေပြုစုခြင်းသည် ချမ်းသာ၏။ မကောင်းမှုကင်းကုန်သော ဘုရား၊ ပစ္စေက ဗုဒ္ဓါ သာဝကတို့ကို ပစ္စည်းလေးပါးတို့ဖြင့် အရိုအသေပြုစုခြင်းသည် ချမ်းသာ၏။

အမျိုးသမီး၊ အမျိုးသား အပေါ် ဒေါသထွက်မိလျှင်

 "ပထ၀ီသုတ်နဲ့၊တိဏဌသုတ်မှာတို့ကို ဗုဒ္ဓ ဟောကြားခဲ့၏။ 'ပထ၀ီသုတ်' ၏ဆိုလိုရင်း အဓိပ္ပာယ်မှာ ယူဇနာနှစ်သိန်းလေးသောင်း အထုရှိသော ဤမဟာပထ၀ီမြေကြီးကို ရေနှင့်ရွံ့ဖြစ်ရုံ နယ်၍ ဆီးစေ့လောက်သော အလုံးကလေးများကိုလုံးရမည်။ပြီးလျှင် တစ်လုံးခြင်းကောက်၍ ဒါကငါ့အမေ ဒါက ငါ့အမေရဲ့အမေ ဟုဆွေမျိုးတော်ဆပ်လျှင် ဆီးစေ့လောက်ရှိသောမြေကြီးလုံးတွေသာ ကုန်သွားမည်။အမေအဆက်ဆက်ကား မကုန်ဟူ၍ဖြစ်၏။ ဤဒေသနာတော်ကိုထောက်၍ အမျိုးသမီးတစ်ယောက်အပေါ် ဒေါသဖြစ်စရာကြုံလာလျှင် ယခုဘ၀သာဤအမျိုးသမီးသည် ငါ့အပေါ်အကျိုးပျက်စီးအောင် လုပ်တာ အရင်ဘ၀များစွာ ငါ့အမေဖြစ်ခဲ့စဉ်က ငါ့အပေါ်ဖြူစင်တဲ့စေတနာနဲ့ ပြုစုယုယခဲ့မှာပဲဟု ဒေါသ အာဃာတကိုဖြေဖျောက်သင့်ကြောင်း အကြံပြုထားသည်။ 'တိဏဌ' သုတ်၏ဆိုလိုရင်းအဓိပ္ပာယ်မှာ ဇမ္ဗူဒိပ်တစ်ကျွန်းလုံးရှိ မြက်ပင်အားလုံးကို လက်ဆစ်တစ်ဆစ်စီ ဖြတ်၍ပုံထားရမည်။ပြီးလျှင် တစ်ဖြတ်စီကောက်၍ ဒါက ငါ့အဖေ ၊ဒါကငါ့အဖေရဲ့အဖေ ဟုဆွေးမျိုးစပ်လျှင် လက်တစ်သစ်ခန့်ရှိသော မြက်များသာ ကုန်သွားမည် အဖေအဆက်ဆက်ကား မကုန်ဟူ၍ဖြစ်၏။ ဤဒေသနာတော်ကိုထောက်၍ အမျိုးသားတစ်ယောက်အပေါ် ဒေါသထွက်စရာ ကြုံလာလျှင် ဤအမျိုးသားသည် ယခုဘ၀မှာသာ ငါ့အပေါ် အကျိုးပျက်စီးအောင်လုပ်တာ အရင်ဘ၀များစွာက ငါ့အဖေဖြစ်ခဲ့စဉ်က ငါ့အပေါ်ဖြူစင်တဲ့ စေတနာနဲ့ ပြုစုယုယ ခဲ့မှာပဲဟု ဒေါသအာဃာတကိုဖြေဖျောက်သင့်ကြောင်း အကြံပြုထားသည်။ (မေတ္တာရှင်ရွှေပြည်သာဆရာတော် အရှင်ဇ၀န ) (အရှုံးမရှိသောဒဿန စာအုပ်မှ) တစ်ဦးနဲ့တစ်ဦး အာဃာတ တွေပြေပျောက်နိုင်ကြပါစေ

အ ရုပ် က လေး သုံး ရုပ်

တခါတုန်းက ဘုရင်ကြီးတစ်ပါးမှာ ဥာဏ်ပညာထက်မြတ်တဲ့ သားတော်တစ်ပါးရှိပါတယ်။

တနေ့မှာတော့ အခြားသောတိုင်းပြည်က ထူးခြားတဲ့ လက်ဆောင်တစ်ခုရောက်လာပါတယ်။

အမှန်တော့ လက်ဆောင်ဆိုတာထက် ရာဇသံ ပေးလိုက်တယ်လို့ဆိုရမှာပါ။သူတို့နိုင်ငံထက် အင်အားကြီးတဲ့ နိုင်ငံတစ်ခုက ပို့လိုက်တာပါ။ အရုပ်ကလေး သုံးရုပ်ပါ ပါတယ်။

သုံးရုပ်စလုံးက ဆင်တူပါဘဲ။ အရွယ်အစား၊ ပုံစံ၊ အပေါက် (နား၊ နှာခေါင်း၊ ပါးစပ်) အကုန်အတူတူပါဘဲ။ဘယ်လိုမှ ခွဲမရအောင်တူပါတယ်။

ရာဇသံကတော့ အဲ့ဒီ့အရုပ်သုံးရုပ်ထဲက အကောင်းဆုံးအရုပ်ကို သုံးရက်အတွင်း ရွေးပေးဖို့ပါဘဲ။ မရွေးပေးနိုင်ရင်တော့ စစ်မက်ပြုမယ်လို့ ပြောထားပါတယ်။

ဘုရင်ကြီးလည်း ရှိသမျှ ပညာရှိ မူးကြီးမတ်ရာတွေကို ခေါ်ပြီး အကောင်းဆုံးအရုပ်ကို ရွေးခိုင်းတာပေါ့။ ဒါပေမယ့် ဘယ်သူမှ မရွေးနိုင်ရှာပါဘူး။

ဒီလိုနဲ့ သုံးရက်မြောက်တဲ့နေမှာ အခြားနိုင်ငံက သံတမန်တွေ လာရောက်ဆွေးနွေးပါတယ်။ အဲ့ဒီ့အခါမှာ ပညာရှိ အိမ်ရှေ့မင်းသားက သူ အကောင်းဆုံးအရုပ်ကို ရှာတွေ့ပြီးပါပြီလို့ ပြောလိုက်ပါတယ်.။

ပြီးတော့ ကောက်ရိုးမျှင်လေး တစ်ခုကို ယူလာပြီး ပထမ အရုပ်ရဲ့ နားပေါက်ထဲကို ထည့်လိုက်ပါတယ်။ အဲ့ဒီ့အခါမှာတော့ ကောက်ရိုးမျှင်ဟာ နားပေါက် နောက်တစ်ဖက်မှ ပြန်ထွက်လာပါတယ်။

အိမ်ရှေ့မင်းသားက ဒီအရုပ်ဟာ ဟိုဘက်နားက၀င် ဒီဘက်နားက ထွက်တဲ့အရုပ်ဖြစ်ပါတယ်။ ဒီလို လူမျိုးဟာ အရာအားလုံးကို မလေးစား၊ ဂရုမစိုက်တတ်တဲ့ သူမျိုးပါ.. လို့ ဆိုပါတယ်။

ဒီ့နောက်မှာ ဒုတိယတစ်ရုပ်ကို ရှေးကအတိုင်း ပြုကြည့်ပါတယ်။ ဒီအရုပ်ကတော့ နားထဲက ထည့်လိုက်တဲ့ ကောက်ရိုးမျှင်ဟာ ပါးစပ်ပေါက်က ပြန်ထွက်လာပါတယ်။

အိမ်ရှေ့မင်းသားက ဒီအရုပ်ဟာလည်း မိမိ ကြားသမျှကို အကုန်ပြန်ပြောတတ်တဲ့ အတင်းပြောတဲ့သူမျိုး၊ လျှို့ဝှက်ချက်များကို စိတ်ချစွာ ပြောလို့ရတဲ့သူမျိုး မဟုတ်ပါဘူးလို့ ပြောလိုက်ပါတယ်။

တတိယ အရုပ်ကို စမ်းသပ်ကြည့်တဲ့အခါမှာတော့ နားထဲဝင်သွားတဲ့အရုပ်ဟာ ဘယ်ကမှ ထွက်မလာတော့ဘဲ အထဲမှာဘဲ သိမ်းဆည်းသွားပါတယ်။

ဒီအရုပ်ကတော့ မိမိကြားသိသမျှကို အကုန် ပြန်မပြောဘဲ သိမ်းဆည်းထားနိုင်တဲ့၊ လျှို့ဝှက်ထားနိုင်တဲ့ အကောင်းဆုံးသော၊ စိတ်ချရဆုံး သူမျိုးပင် ဖြစ်ပါတယ် လို့ ပြောကြားလိုက်ပါတယ်..။

အဖြေကို ရသွားတဲ့ တိုင်းတပါးသားများဟာ စစ်မက်မပြုကြတော့ဘဲ ဥာဏ်ပညာကြီးမားလှတဲ့ သားတော်လေးကို ဆုလာဘ်များ ချီးမြှင့်ပြီး ပြန်သွားကြပါတော့တယ်....။

ကျနော်တို့ရော ဘယ်လိုအရုပ်မျိုး ဖြစ်နေကြမလဲ......။

အာကာသနှင့် စကြ၀ဠာ။

သတင်းချစ်သူ ဝေဟင် မှ။

Saturday, December 21, 2013

၂၀ ရာစု၏ သိပ္ပံပညာရှင်ကြီး Albert Einstein(အဲလ်ဘတ် အိုင်စတိုင်း)၏ ဗုဒ္ဓဘာသာနှင့် ပက်သက်၍ ပြောဆိုချက်


"အနာဂတ်ဘာသာတရား" သည် "စကြာဝဠာတစ်ခုလုံး" နှင့် သက်ဆိုင်သော ဘာသာတရားသာလျှင် ဖြစ်ပါလိမ့်မည်။ "(Personal God) လူတစ်စု ယုံကြည်သည့် ဖန်ဆင်းရှင်ဘုရား" ဟူသော 'အယူအဆ' ထက် သာလွန်ကျော်ကဲပြီး 'တစ်ဦးဦး' က ပြောဆိုထားသဖြင့် 'မှန်ကန်ကောင်းမြတ်သည်' ဟု 'လက်ခံ' ၍ ချမှတ်ထားသော 'အယူအဆများ' ကို 'ရှောင်ရှား' ပါလိမ့်မည်။ '(ဖန်ဆင်းရှင်)ဘုရား' ၏ 'သဘာဝကို လေ့လာခြင်း'နှင့် ထိုဘုရားအပေါ် "ယုံကြည်ခြင်း အခြေခံသဘောတရားများ" ကိုလည်း 'အနာဂတ်ဘာသာတရား' တွင် "ရှောင်ရှား" ပါလိမ့်မည်။

ထိုအနာဂတ် ဘာသာတရားသည် "သဘာဝနှင့် စိတ်ဝိညာဉ်(Spiritual)တရား နှစ်ပါးလုံး" ကို 'ခြုံငုံအကျုံးဝင်' ရမည် ဖြစ်ပါသည်။ "အရာရာအားလုံးနှင့် တွေ့ထိမှု ထိုတွေ့ထိမှုကြောင့် ဖြစ်ပေါ်လာသော ဘာသာရေးအမြင် အယူအဆသဘောများ ရုပ်နာမ်သဘာဝနှင့် ၎င်းတို့အဓိပ္ပာယ်ရှိရှိပေါင်းစည်းဆက်သွယ်မှု သဘောအယူအဆများ" 'အကျုံးဝင်' လာမည်ဖြစ်သည်။

ဤသဘောတရားကို "ဗုဒ္ဓဘာသာ" က "ဖြေရှင်းပေးနိုင်" ပါသည်။ "ခေတ်မှီ သိပ္ပံလိုအပ်ချက်" နှင့် ကိုက်ညီသော "ဘာသာတရားတစ်ခုတည်းသာ ရှိဖို့လိုအပ်လာ" ခဲ့လျှင် ထို 'ဘာသာ' သည် *ဗုဒ္ဓဘာသာ* ပင် ဖြစ်ပေသည်ဟု "၁၉၅၄၊ သိပ္ပံညီလာခံ" ၌ ပြောကြားခဲ့လေသည်။


ဗုဒ္ဓဘာသာ၏အဓိပ္ပာယ်
==============

"ဗုဒ္ဓဘာသာ" ဟူသော အဓိပ္ပာယ်သည် "ဗောဓိ" ဟူသော စကားမှ ဆင်းသက်လာသော ဝေါဟာရဖြစ်၍ "နိုးကြားခြင်း" ဟု အဓိပ္ပာယ် သက်ရောက်ပါသည်။ ထို့ကြောင့် "ဗုဒ္ဓဘာသာ" ဆိုသည်မှာ-

"နိုးကြားမှုကို ဖြစ်စေသောအမြင် အယူအဆ" ပင်ဖြစ်ပါသည်။

-(ဒေါက်တာသိန်းလွင် ခေတ်အမြင် ဗုဒ္ဓဘာသာဆိုင်ရာအမေးအဖြေမား) စာအုပ်မှ-


ဗုဒ္ဓ၏လက်ကိုင်ထားသောဝါဒ
=================

ဝိဘဇ္ဇ၀ါဒ - အကောင်းအဆိုး၊ အကြောင်းအကျိုးကို ဝေဖန်ပိုင်းခြားမှုရှိခြင်း။ (လွတ်လပ်စွာ ဝေဖန်ပိုင်းခြားနိုင်ခွင့်ရှိသော ၀ါဒ)

"၀ိဘဇ္ဇ၀ါဒီ မဟာရာဇာသမ္မာ သမ္ဗုဒ္ဓေါ" ဟု 'တတိယ သင်္ဂါယနာတင်ပွဲ' ၌ "ရှင်မဟာမောဂ္ဂလိပုတ္တိဿမထေရ်မြတ်" က မိန့်ဆိုကြွေးကြော်ခဲ့သည်။


ဗုဒ္ဓ၏အဓိပ္ပါယ်
==========

"သဗ္ဗေ ဓမ္မာတိ ဗုဇ္ဇတိ ဗုဒ္ဓေါ" - အလုံးစုံသောတရားတို့ကို မကြွင်းမကျန် သိမြင်တော်မူခြင်းကြောင့် "ဗုဒ္ဓ" မည်၏။

ဗုဒ္ဓ၏ပထမဆုံးသောတရား - ဓမ္မစက္ကပ၀တ္တနသုတ်(ဓမ္မစကြာသုတ်)
ဗုဒ္ဓ၏နောက်ဆုံးမှာစကား - ဟန္ဒ ဒါနိ ဘိက္ခဝေ၊ အမန္တယာ မိဝေါ ၀ယဓမ္မာသင်္ခါရ အပ္ပမာဒေန သမ္ပာဒေထ။ -
"သင်္ခါရတရားတို့သည်း ပျက်စီးခြင်းသဘော ရှိ၏။ မမေ့တတ်သော 'သတိ' ဖြင့် အလုပ်ကိစ္စဟူသမျှကို ပြည့်စုံစေရစ်ကြ။"

ဘုရားအဓိပ္ပါယ် - သိစရာအကုန်မကြွင်းမကျန်အောင် သိတော်မူခြင်း။
တရားအဓိပ္ပါယ် - သံသရာဝဋ်ဆင်းရဲမှ လွတ်မြောက်အောင် ဆောင်ရွက် နိုင်တော်မူခြင်း။
သံဃာအဓိပ္ပါယ် - အယူသီလ တူညီစွာဖြင့် ဖွဲ့စည်း၍ သံသရာမှ လွတ်မြောက်အောင် ဟောပြောပေးနိုင်သော သမုတိ၊ အရိယာ နှစ်ဖြာဂုဏ်ကို ဆောင်သောသူ။
==================================================

ကိုယ့်အကြောင်း ကိုယ်သိဖို့လို

သူများနေရာမကျတာကို လျှောက်မပြောနဲ့။
ကိုယ်နေရာကျတာ မကျတာသိရင် တော်ပြီ။
နေရာမကျတာကို နေရာမကျဘူးလို့ သိရင် နေရာကျပြီဗျ။
နေရာလည်း မကျဘဲနဲ့ နေရာကျတယ် ထင်တာကတော့ ……
နည်းနည်းကလေးမှ မျှော်လင့်စရာ မရှိဘူးဗျ။

( ဝေဘူဆရာတော်ဘုရားကြီး )

မင်းနန် (မော်ကျွန်း) ၏ ဆရာတော်ကြီးများ၏ သြဝါဒများ
ပေါင်းချုပ်မှ။

ကွယ်ပျောက်ရတာချည်းပဲ

ညအခါ ထိန်ထိန်သာအောင်လင်းတဲ့
ဖိုးရွှေလမင်းကြီးဟာ
မနက်လင်းတော့ကွယ်ပျောက်ရတယ်။

နေ့အခါမှာ ရောင်ခြည်တစ်ထောင်
အလင်းဆောင်နိုင်တဲ့
သူရိန်နေမင်းကြီးဟာလည်း
ညရောက်တော့ ချုပ်ပျောက်ရတယ်။

ဒီလိုပါပဲ။ ဘဝတစ်ခုမှာ စည်းစိမ်တွေ
အခြွေအရံတွေ ဂုဏ်ပကာသနတွေနဲ့
ဘယ်လိုပင် ပျော်ပါးမော်ကြွားဝင့်ဝါခဲ့ပေမဲ့
တစ်ချိန်တော့ စွန့်လွှတ်ကြရ၊
သေဆုံးကြရတာချည်းပါပဲ။

လောကမှာ ဘာတစ်ခုမှ မြဲတာမရှိပါဘူး။
အားလုံး ချုပ်ဆုံးကွယ်ပျောက်
ကြရတာချည်းပါပဲ။


ချမ်းမြေ့မြိုင်ဆရာတော် အရှင်ဣန္ဒက

(သြဝါဒကောက်နှုတ်ချက် မှ)

ခံစားမှု သဘာဝ ပယ်မရ။

ဤနေရာ၌ လွတ်မြောက်နေသူ (နှောင်ကြိုးမဲ့သူ) သည် အာရုံတရား ဝေဒနာများကို မခံစားတော့ပြီလောဟု မေးစရာ ရှိပါသည်။

ခံစားမှု ဝေဒနာတရားကား မည်သည့်ပုဂ္ဂိုလ်မျှ စွန့်ပယ်နိုင်ခြင်း မရှိကြပေ။ ပုထုဇဉ်တို့ ခံစားသကဲ့သို့ လွတ်မြောက်သူ အရိယာတို့လည်း ခံစားကြရသည်။

အသိစိတ် ရှိသော လှုပ်ကြွရုပ်မှန်သမျှ ခံစားမှု ဝေဒနာကို ပယ်စွန့်ရိုး ထုံးစံ မရှိချေ။ ပယ်၍ ဖြစ်သော တရားလည်း မဟုတ်။ ရုပ်သည် မပယ်အပ်သော (အပ္ပဟာတဗ္ဗ) တရား မဟုတ်တုံလော။

ထို့ကြောင့် ဗုဒ္ဓဘုရားက ဣတိဝုတ်ပါဠိတော်၌-
“ ရဟန်းတို့၊ လွတ်မြောက်ပြီးသော ပုဂ္ဂိုလ်အား မျက်စိ၊ နား၊ နှာ၊ လျှာ၊ ကိုယ် ဟူသော ဣနြေ္ဒငါးပါးတို့သည် ထင်ရှား ရှိနေသေးသည်သာလျှင်တည်း။ အကြင်ဣနြေ္ဒငါးပါးတို့ ရှိသေးသောကြောင့် နှစ်လိုဖွယ် မနှစ်လိုဖွယ်သော အာရုံငါးပါးကို သုံးဆောင်ရ၏။ ချမ်းသာ ဆင်းရဲဟူသော ခံစားမှု နှစ်ပါးကို ခံစားရသေး၏။” ဟုဟောကြားထားပေသည်။

အရိယာပုဂ္ဂိုလ်တို့သည် ရုပ်ခန္ဓာရှိနေသေးသဖြင့် ခန္ဓာနှင့်စပ်၍ ဖြစ်ပေါ်သော ဝေဒနာ အာရုံတို့ကို ခိုလှုံခံစားကြသည်။ အာရုံတရားတို့၏ ကောင်း မကောင်းကို သိရှိကြ၏။ နားလည်ကြ၏။ ခံစားကြ၏။

- အဆင်းအာရုံ လှ-မလှကို သိရှိခံစားကြ၏။
- အသံအာရုံ သာယာမှု- မသာယာမှုကို သိရှိ ခံစားကြ၏။
- အနံ့အာရုံ မွှေး- မမွှေးကို သိရှိ ခံစားကြ၏။
- ရသာရုံ ခြောက်မျိုးကို သိရှိ ခံစားကြ၏။
- တွေ့ထိမှုအာရုံ ကောင်း- မကောင်းကို သ်ိရှိ ခံစားကြ၏။

လွတ်မြောက်သော အရိယာပုဂ္ဂိုလ်တို့သည် အာရုံ ၅-ပါးတရားတို့ကို ကာမဂုဏ်အဖြစ် သဘောမထားဘဲ ခံစားကြလေသည်။

ရေစကြို အရှင်ဧသိက
(နှောင်ကြိုးမဲ့ လမ်းစဉ် မှ)

Friday, December 13, 2013

သီတဂူ ဆရာတော်ဘုရားကြီး ၏ ဓမ္မ ဆိုင် ရာ သြဝါဒ တော်များ။



" မသေချင်ရင် သတိနဲ့နေ "


" သတိနဲ့နေခြင်းသည်

မသေရာအမှန်-

နိဗ္ဗာန်ကို သွားတဲ့လမ်းပဲ။-

သတိ လက်လွတ်

ဖြစ်ကြမယ်ဆိုရင်တော့ ၊

သေလမ်းကို

လျှောက်နေကြတာန

ဲ့အတူတူပဲ။-


သတိကောင်းတဲ့

ပုဂ္ဂိုလ်တွေ

မသေကြဘူး။-


သတိလက်လွှတ

်ဖြစ်သွားရင်တော့

အသက်ရှင်ပေမယ့်လို့

လူသေနဲ့တူတယ်။


တရားသဖြင့် ဆိုဆုံးမတဲ့

ဘုရားရှင်သာသနာတော်မှာ -

အပ္ပမာဒဆိုတဲ့-

သတိတရား

လက်ကိုင်ထားပြီးတော့

အလုံးစုံသော

ကိစ္စမှန်သမျှတွေကို

ကိုယ်စီပြည့်စုံအောင်

အားထုတ်တော်မူရာ၏။ "


•••••••••••••••••••••••


အခက်များ။


" 'လူ' ဖြစ်ဖို့ ခက်၏။

သဒ္ဓါနှင့် ပညာ ပြည့်စုံသော

'လူ' ဖြစ်ဖို့ ပို၍ခက်၏။


ထိုထက် ပို၍ခက်သည်ကား

စရဏ(အကျင့်)ဖြစ်၏။


သစ္စာသိဖို့ကား

အခက်ဆုံးဖြစ်၏။


သစ္စာမသိသောကြောင့်

ချမ်းသာမရ၊ ဆင်းရဲနေကြရ၏။

စရဏကို ကျင့်ဖို့ ,

သစ္စာကို သိဖို့ရန်-

သဒ္ဓါ, ပညာပြည့်စုံသောလူတို့

တရားမှန်ကို နာကြားရဖို့လည်း

အခက်ကြီးတပါးပင်ဖြစ်၏။"


•••••••••••••••••••••••


ပညာမဲ့ သူမိုက်။


" ပညာမဲ့ကြတဲ့

သူမိုက်တွေသည် -

အကျိုးရှိတာတွေကို

လုပ်မယ်လို့ ဘယ်လိုပင်

ဆုံးဖြတ်လုပ်ကိုင်စေကာမူ၊

အကျိုးရှိတာတွေကို

မကျွမ်းကျင်၊

မနိုင်နင်းတဲ့အတွက် -

အကျိုးမဲ့တာတွေကိုချည်းသာ

လုပ်မိနေတတ်တယ်။ "


•••••••••••••••••••••••


သီလ သမာဓိ ပညာ။


" ဘ၀ရဲ့တည်ငြိမ်မှုကို

ဓမ္မဖြင့်တည်ဆောက်ရပါတယ်။


ကာယကံ၊ ၀စီကံ

တည်ငြိမ်မှုကို သီလ၊

စိတ်တည်ငြိမ်မှုကို သမာဓိ၊

နှလုံးသား တည်ငြိမ်မှုကို ပညာ၊

သီလ၊ သမာဓိ၊ ပညာ

သုံးခုပေါင်းရင် 'ဓမ္မ' ဖြစ်ပါတယ်။"


••••••••••••••••••••••••••


ပညာ နှင့် သီလ။


ပညာတွေ

ဘယ်လောက်တတ်တတ်

ကိုယ်ကျင့်သိက္ခာ

ချွတ်ချော်နေမယ်ဆိုရင်

ထိပ်တန်းသို့ မရောက်နိုင်။


အချို့သီလတွေ

သိပ်ကောင်းပေမယ့်

ပညာအားနည်းခဲ့ရင် လည်း

လိုရာသို့ မရောက်နိုင်။


"ပညာ" နဲ့ "သီလ" ဟာ

လောကမှာ အမြတ်ဆုံးဖြစ်တယ်။


ကျေးဇူးတော်ရှင်

သီတဂူ ဆရာတော်ဘုရားကြီး

စကားကြီး (၃)ခွန်း။


♣ မြစ်ကြီးလည်း မခမ်းပါစေနဲ့။
♣ သစ်ပင်ကြီးလည်း မလဲပါစေနဲ့။
♣ ထုံးအိုးကြီးလည်း မကွဲပါစေနဲ့။


♣ မြစ်ကြီးလည်း မခမ်းပါစေနဲ့ ဆိုတာ အေးမြတဲ့စမ်းရေလို ကြည်ကြည်လင်လင် တသွင်သွင်စီးဆင်းနေတဲ့ မေတ္တာမြစ်ကြီးကို ဆိုလိုတာလေ။လူလူချင်း မေတ္တာထားကြ။ မေတ္တာတရားတွေ ပွားများကြ။ လူလူချင်း မေတ္တာတွေ မခမ်းကြစေနဲ့ဆိုတဲ့ အဓိပ္ပါယ်ပဲ။


♣ သစ်ပင်ကြီးလည်း မလဲပါစေနဲ့ တဲ့ ၊သစ်ပင်ကြီးဟာ အခက်အလက်အရွက်တွေ ဝေေ၀ဆာဆာနဲ့ အရိပ်အာဝါသကိုပေးတယ်။ ထို့အတူပဲ ... ဘုရား တရား သံဃာ ရတနာသုံးပါးရဲ့အရိပ် အာဝါသကောင်းကို ခိုလှုံရလို့လည်း ကြီးပွားချမ်းသာခြင်းကို ရတယ်။ ဒီအရိပ်အာဝါသတွေကို အမိအရ ခိုလှုံဖို့ လိုသလို၊ အရိပ်အာဝါသတွေကို မဖျက်ဆီးမိဖို့ ကျေးဇူးမကန်းမိဖို့ သတိထားရလိမ့်မယ်။သစ်ပင်ကြီးကို ခုတ်လှဲပစ်ခြင်းဟာ အရိပ်အာဝါသကို ဖျက်ဆီးရာရောက်တာပဲ။ ဒါကြောင့် သစ်ပင်ကြီးမလဲအောင် ကြိုးစား ထိန်းသိမ်းကြပါ။


♣ ထုံးအိုးကြီး မကွဲပါစေနဲ့ ဆိုတာကတော့ ရိုးရာဓလေ့ ထုံးစံတွေကိုပြောတာပါ။ မိဘဘိုးဘွား လက်ထက်ကတည်းက လိုက်နာကျင့်သုံးလာကြတဲ့ ယဉ်ကျေးမှု ထုံးတမ်းစဉ်လာကောင်းတွေ မပျောက်ပျက်ရအောင်ထိန်းသိမ်းပြီး ဗုဒ္ဓဘာသာဓလေ့ ယဉ်ယဉ်ကျေးကျေးသိမ်သိမ်မွေ့မွေ့နေထိုင်ကြ။

( ရွှေဥမင်ဆရာတော်ဘုရားကြီး )

နေရာတိုင်းမှာ ၀ိပဿနာ ။


တစ်ခါတုန်းက ကောသလတိုင်းအတွင်းမှာရှိတဲ့ တောအုပ်တစ်ခုထဲမှာ ဆရာရဟန်းရယ်၊ တပည့် ရဟန်းငယ် တစ်ပါးရယ် ရှိပါတယ်။

တပည့်ရဟန်းငယ်က နေ့ပိုင်းမှာ ဆရာရဲ့ နေ့သန့်ရာနေရာကို တံမြက်လှည်းတာ၊ ဆရာကြွလာတဲ့ သပိတ် သင်္ကန်းလှမ်းယူတာ၊ ဆရာကို ယပ်ခတ်ပေးတာ၊ သောက်ရေကပ်တာ၊ ခြေဆေးပြီး ဆီနဲ့သုတ်လိမ်းပေးတာ စသည်ဖြင့် ဝေယျာဝစ္စတွေလုပ်ပေးပါတယ်။

ပြီးတော့မှ ဆရာ့ဆီက စာသင်ယူပြီး နေ၀င်တဲ့အချိန်အထိစာကျက်ပါတယ်။နေ၀င်တဲ့အခါကျတော့ တစ်ခါဆရာ့အတွက် ရေချိုးဖို့ ရေသယ်တာ၊ ဆောင်းရာသီဆိုရင်လည်း မီးဖိုပြင်ပေးတာ၊ရေချိုးပြီးထွက်လာတဲ့ ဆရာ့ရဲ့ ခြေထောက်ကို ရေသုပ်ပေးတာ၊ နှိပ်နယ်ပေးတာ စသည်ဖြင့် ဝေယျာဝစ္စတွေကို ထပ်လုပ်ပေးပြန်ပါတယ်။

ပြီးတော့မှ ဆရာ့ဆီက စာသင်ပြီး ညဥ့်နက်တဲ့အထိ စာကျက်တော့တာပါ။
စာကျက်ပြီးတဲ့အခါ ကျိန်းစက်ပါတယ်။
တစ်ခါမနက်အရုဏ်တက်တော့ စာကျက်ပြန်ပါတယ်။

ရဟန်းငယ်စာကျက်တဲ့အခါ ဘာထူးခြားသလဲဆိုတော့ကိုယ့်ရဲ့စာကျက်သံကို ကိုယ်ပြန်ပြီး ၀ိပဿနာရှုတာပါ။

ဒီလိုနဲ့ နေ့စဉ် နေ့စဉ် ကိုယ့်ရဲ့ စာကျက်သံကို ၀ိပဿနာရှုလာရင်း တစ်နေ့မှာတော့ ၀ိပဿနာဉာဏ် အဆင့်ဆင့်ဖြစ်ပြီး အရဟတ္တမဂ် အရဟတ္တဖိုလ်ကို ရသွားပါတော့တယ်။

ရဟန်းငယ်ရဲ့စာကျက်သံကို တောစောင့်နတ်က အမြဲနာကြားနေတာပါ။ ရဟန္တာဖြစ်သွားတော့ ရဟန်းငယ်ရဲ့စာကျက်သံ မကြားရတော့ပါဘူး။ ရဟန်းငယ်က ပရိယတ်ဘက်မှာ ကြောင့်ကြမှုမရှိတော့ဘဲ ဖလသမာပတ် ချမ်းသာကိုပဲ ၀င်စားပြီး ဆိတ်ငြိမ်ချမ်းသာစွာနေတော့တာပါ။

တောစောင့်နတ်က ရဟန်းငယ် ရဟန္တာဖြစ်သွားတာကို မသိပါဘူး။ ဒါကြောင့် တောစောင့်နတ်က ရဟန်းငယ်ကို " ဘာဖြစ်လို့ စာမကျက်တော့တာလဲ " လို့ လာမေးပါတယ်။ ဒီတော့ ရဟန်းငယ်က အကျိုးသင့်အကြောင်းသင့် ပြန်ပြောပြလိုက်ပါတယ်။
(သဂါထာဝဂ်သံယုတ်ပါဠိတော်နှင့်အဋ္ဌကထာ၊ သဇ္ဈာယသုတ်)


တရားထူးလိုချင်တဲ့ သူတွေအတွက် သိပ်အားကျဖို့ကောင်းတဲ့ ၀တ္ထုလေးပါ ။

ဝိပဿနာဆိုတာ နေရာတိုင်းမှာအိပ်နေချိန်ကလွဲလို့ စိတ်ကြိုက်ရှုမှတ်လို့ ရနေတယ်ဆိုတာဒီဝတ္ထုလေးက သက်သေပြနေတာပါ။

တော်တော်များများက သူတစ်ပါးအသံကိုတော့ ၀ိပဿနာရှုဖူးကြမှာပါ။ ကိုယ့်အသံကိုကျတော့ ရှုဖူးသူ နည်းပါလိမ့်မယ်။ သူတစ်ပါးအသံကို ၀ိပဿနာရှုမှတ်လို့ ရသလို ကိုယ်အသံကိုလည်း ရှုလို့ရတယ်ဆိုတာယောဂီတွေအတွက် ဗဟုသုတအားတစ်ခုပါပဲ။

♦ တစ်ခုတော့ရှိပါတယ်။ စာတွေထဲမှာပါတဲ့တရားထူးတရားမြတ်တွေ လျှင်လျှင်မြန်မြန် ရသွားကြတယ်ဆိုတာသံသရာအဆက်ဆက်က ဖြည့်ခဲ့တဲ့ပါရမီတွေရယ်၊ကမ္မဋ္ဌာန်းပြပေးတဲ့ဆရာက မြတ်စွာဘုရားရှင် ဒါမှမဟုတ် ရဟန္တာအရှင်မြတ်တစ်ပါးပါး ဖြစ်နေတာရယ်လည်းပါပါတယ်။ဒီတော့ တရားထူး တရားမြတ်တွေက " ဒိုင်းကနဲ " " ဒိုင်းကနဲ "နဲ့ ရသွားကြတော့တာပါ။

♦ တကယ်လို့ တရားထူး တရားမြတ်မရသေးဦးတော့ကိုယ့်ရဲ့ရှုမှတ်မှုဟာအနာဂတ်ကာလအတွက်ပါရမီတွေဖြည့်နေတာပါ။

♦ မရလို့ အရှုံးဆိုတာ မရှိပါဘူး။
ပြီးတော့ ရှုမှတ်နေစဉ်ကာလမှာစိတ်ကလေးက ငြိမ်းအေးနေပြီး ဘ၀ရဲ့ “ အနှစ်နဲ့အကာ ”“ အဓိကနဲ့ သာမည ” တွေကို ခွဲခြားသိပြီးဘ၀ကို ဘယ်လိုနေရမယ်ဆိုတာ ကိုယ့်ကိုယ်ကိုယ်သိသိနေတာပါ။

♦ ဒီတော့ အကုသိုလ်ပြုဖို့ အာရုံကြုံလာဦးတော့ကိုယ့်ကိုယ်ကိုယ် သတိပေးပြီးသား ဖြစ်ဖြစ်နေတော့တာပါ။ဒါ ၀ိပဿနာရှုမှတ်ခြင်းရဲ့ လက်တွေ့အကျိုးတွေပါ။

[ဆရာတော်အရှင်ဆန္ဒာဓိက - ရဝေနွယ်(အင်းမ)]

(ဖြစ်ပြီးတဲ့အကုသိုလ်ကို ဘယ်လိုပယ်မလဲ မှ -

“မျက်နှာသစ်တဲ့အခါ ကုသိုလ်(၅)မျိုးကို ရအောင်ယူနည်း”


(၁) “ဒါနကုသိုလ်”

မနက်အိပ်ယာထမျက်နှာသစ်တော့မယ်ဆိုရင် ရေဖလားထဲကို ရေထည့်လိုက်ပါ။ မျက်စိနဲ့မြင်သာမယ့် ရင်ခေါင်းလောက်မှာ ရေဖလားကို ကိုင်ထားပါ။ ရေဖလားကို အပေါ်တော့ မမြှောက်လိုက်ပါနဲ့။ မေတ္တာပို့တဲ့အခါအဆင်မပြေမှာစိုးလို့ပါ။

လက်ကကိုင်ထားတဲ့ရေဖလားနဲ့ '' မြတ်စွာဘုရား မျက်နှာသစ်တော်ရေ ကပ်လှူပါ၏ဘုရား။ဘုရားတပည့်တော်ကို သနားချီးမြှောက်သောအားဖြင့် မျက်နှာသစ်တော်မူပါဘုရား" လို့ဆိုပြီး ကပ်လိုက်ပါ။ ဒါဆို ဒါနကုသိုလ်ဖြစ်သွားပါပြီ။


(၂) “ဗုဒ္ဓနုသာတိကုသိုလ်”

မြတ်စွာဘုရားမျက်နှာသစ်တော်ရေ အသုံးပြုနေတုန်းမှာ အရဟံကို အနက်(၃)ခုနဲ့ ပွါးလိုက်ပါ။
အရဟံ - ကိလေသာ မြူမှုန်ပင် ကင်းစင်တော်မူသော မြတ်စွာဘုရား၊
အရဟံ - ပူဇော်အထူးကို အထူးခံယူတော်မူထိုက်သော မြတ်စွာဘုရား၊
အရဟံ - ဆိတ်ကွယ်ရာအရပ်မှာပင် မကောင်းမှုကို မပြုတော်မူသောမြတ်စွာဘုရား။ဒါဆို ဗုဒ္ဓနုသာတိကုသိုလ်ဖြစ်သွားပါပြီ။


(၃) “မေတ္တာကုသိုလ်”

ကြည်လင်နေတဲ့ရေကိုကြည့်ပြီး...ဤရေအေးမြသလို အဖေနဲ့အမေ စိတ်ကောရုပ်ကော အေးမြပါစေ။
ဤရေအေးမြသလို ငါ့ရဲ့အလုပ်ရှင် စိတ်ကောရုပ်ကော အေးမြပါစေ။
ဤရေအေးမြသလို ငါ့ရဲ့ လုပ်ဖော်ကိုင်ဖက်တွေ စိတ်ကောရုပ်ကော အေးမြကြပါစေ။
ဤရေအေးမြသလို သတ္တ၀ါအားလုံး စိတ်ကောရုပ်ကော အေးမြကြပါစေ…လို့ မေတ္တာပို့လိုက်ပါ။

ဒါဆို မေတ္တာကုသိုလ်ဖြစ်သွားပါပြီ။ဒါ့ကြောင့်ရေဖလားကို အပေါ်မမြှောက်ပါနဲ့လို့ ပြောတာပါ။ အပေါ်မြှောက်ထားရင် မေတ္တာပို့ရတာ အဆင်မပြေပါဘူး။ ရေကိုမြင်တဲ့နေရာမှာ ရေဖလားကိုထားပြီး မေတ္တာပို့ရတာက ပိုအဆင်ပြေလို့ပါ။


(၄) “မရဏာနုဿတိကုသိုလ်”

ပြီးရင် ငါဒီတစ်ညတော့ အသက်ရှင်ခဲ့ပြီး။ ၀င်လေမဆုံးခင် ထွက်လေမဆုံးခင် နံနက်၊နေ့ည အချိန်မရွေး သေသွားနိုင်သည်…လို့ မရဏာနုသာတိပွါးလိုက်ပါ။ ဒါဆိုမရဏာနုသာတိကုသိုလ်ဖြစ်သွားပါပြီး။


(၅) “အသုဘဘာဝနာကုသိုလ်”

မျက်စိအတွင်းမှာရှိနေတဲ့ အညစ်အကြေးတွေ၊ နှာခေါင်းမှာရှိနေတဲ့ အညစ်အကြေးတွေ၊ ပါးစပ်မှာရှိနေတဲ့အညစ်အကြေးတွေကို အာရုံပြုပြီး ငါ့ရဲ့ မျက်နှာဟာ စက်ဆုပ်ရွံရှာဖွယ် ပါတကား….လို့ အသုဘ ဘာဝနာပွါးလိုက်ပါ။ ဒါဆို အသုဘဘာဝနာ ကုသိုလ်ဖြစ်သွားပါပြီး။

အသုဘဘာဝနာပွါးရတာ အိပ်ယာထဆိုတော့ အသုဘရဲ့လက္ခဏာတွေ ထင်ထင်ရှားရှားရှိနေတဲ့အတွက် ပွါးရတာပိုတောင် ထင်သာမြင်သာ ရှိပါသေးတယ်။ အပြင်သွားခါနီး ဖီးလိမ်းပြင်ဆင်ပြီးတဲ့အခါ လှလှပပ၀တ်ဆင်ထားတဲ့အခါ အသုဘပွါးရတာ အဆင်မပြေလှပါဘူး။

မိတ်ကပ်တွေ အ၀တ်တွေနဲ့ဖုံးထားတဲ့အတွက် အသုဘလက္ခဏာတွေက မပေါ်ပါဘူး။ အသုဘပွါးတာ မနက်စောစောက အဆင်ပြေဆုံးပါပဲ။အားလုံးပြီးမှ မြတ်စွာဘုရား မျက်နှာတော်သစ်ပြီးပြီ ဖြစ်တဲ့အတွက်ဆေးအဖြစ် ပြန်စွန့်တော်မူပါဘုရား…လို့စွန့်ပြီး မျက်နှာသစ်လိုက်ပါ။


ဒါဆို မျက်နှာသစ်ရင် ကုသိုလ်(၅)မျိုး ရသွားပါပြီ။

ကဲ.... စာဖတ်သူအပေါင်းတို့ရေ...မျက်နှာသစ်ရင်း ကုသိုလ်ငါးမျိုးပွားပြီး ကုသိုလ်တွေစုဆောင်းထားလိုက်ပါနော်..။

(ဆရာတော်ရဝေနွယ်-အင်းမ၏ ရင်ထဲကအရဟံ စာအုပ်မ
ှပြန်လည်မျှဝေခြင်းဖြင့် ဒါနကုသိုလ်ပြုပါသည်။)

စေတနာ ။


စေတနာက လောဘနဲ့တွဲရင်
ငါရဖို့ချည်းဖြစ်လာတတ်တယ်။

အဲဒီစေတနာကပဲ ဒေါသနဲ့တွဲလိုက်ရင်
သတ်ဖြတ်ဖို့ဖြစ်တတ်တယ်။

မောဟနဲ့တွဲ လိုက်ပြန်တော့
ပညာမဲ့တာတွေဖြစ်လာတယ်။

မကောင်းတာတွေဘာကြောင့်ဖြစ်လာလဲမေးရင်
စေတနာနဲ့ မကောင်းနဲ့
အကြောင်းသုံးပါးတွဲမိလို့…ဒါပဲ…။

လောဘနည်းအောင်ကျင့်ရင်
သူများ အတွက်ဆောင်ရွက်တတ်လာတယ်။

ဒေါသနည်းအောင်ကျင့်သုံးရင်
ငြိမ်းချမ်းရေးဖြစ်တယ်။

မောဟနည်းအောင်ကျင့်ရင်တော့
ပညာတတ်တွေဖြစ်လာကြမယ်။

ကောင်းတာတွေဘာကြောင့်ဖြစ်ဆိုရင်
စေတနာနဲ့ ကောင်းတဲ့..
အကြောင်းသုံးပါးပေါင်းမိလို့.. ဒါပဲ…..။


(သီတဂူဆရာတော်ကြီး)

ဗုဒ္ဓဘာသာဝင်တိုင်း သိထားသင့်သည့် နိဗ္ဗာန်၏ ဂုဏ်တော်များ။



ဗုဒ္ဓဘာသာဝင်တို့၏ နောက်ဆုံးရည်မှန်းချက်
ပန်းတိုင်သည်မြတ်နိဗ္ဗာန်ပင်ဖြစ်ပါသည်။
နိဗ္ဗာန်တွင်

၁။ “ ခယဂုဏ်တော် ”

ထိုနိဗ္ဗာနဓာတ်တရားမြတ်ကို သောတာပတ္တိမဂ်ဖြင့် မြင်လိုက် သည်နှင့် တပြိုင်နက် ရာဂစသော ကိလေသာအချို့သည် လည်းကောင်း၊ ထိုကိလေသာ ရှိသူတိုင်း (ခုနှစ်ဘ၀ နောက် ရရှိမည့်) ရုပ်နာမ်တို့သည် လည်းကောင်း ကုန်ခမ်းကြရတော့၏။ အထက်မဂ်များကိုရသောအခါလည်း ဤနည်းအတိုင်း ကိလေသာအပူတွေ ကုန်ရပေသည်။ ထို့ကြောင့် သန္တိဖြစ်သော ထိုနိဗ္ဗာန်သည် ကိလေသာကို့၏ လည်းကောင်း၊ ရုပ်နာမ်တို့၏ လည်းကောင်း ကုန်ခန်းကြောင်း “ ခယဂုဏ်တော် ”နှင့် ပြည့်စုံပါသည်။

၂။ “ ၀ိရာဂဂုဏ်တော် ”

တတ်မက်ခြင်းသဘောကို ပါဠိလို “ ရာဂ ” ဟုခေါ်၏။ ထိုရာဂသည် ရုပ်နာမ် ခန္ဓာအပေါ်၌ လည်းကောင်း၊ ခန္ဓာနှင့်စပ်သော ပညတ်အပေါ်၌ လည်းကောင်း ဖြစ်ရသောတရားတည်း။ ရုပ်နာမ်တို့၏ ကုန်ကြောင်းဖြစ်သော နိဗ္ဗာန်သည် ထိုရာဂနှင့် လုံးလုံး မစပ်တော့ရကား “ ၀ိရာဂ- ရာဂမရှိ ” ဟူသော ဂုဏ်နှင့်လည်း ပြည့်စုံပါသည်။

၃။ “ အမတဂုဏ်တော် ”

“ သေခြင်း ” ဆိုသည်မှာ တစ်ဘ၀အတွက် နောက်ဆုံး ပျက်ခြင်းတည်း။ ထိုအပျက်ဟူသည်လည်း အဖြစ်ရှိပြီးမှ ပေါ်လာ၏။ ပျက်ဖို့ ရှေ့ရှုနေသော (ပျက်ဖို့ပြင်နေသော) သဘောကို “ အိုခြင်း၊ ဆွေးမြေ့ခြင်း ” ဟု ခေါ်၏။ ပါဠိလို ဇာတိ၊ ဇရာ၊ မရဏ။ မြန်မာလို ဖြစ်ခြင်း၊ (ရင့်ရော်ခြင်း)အိုခြင်း၊ သေခြင်း(ပျက်ခြင်း)၊ ဟူသော သဘောသည် ရုပ်တရား၊ နာမ်တရားတို့၏သဘောဖြစ်၏။ ရုပ်နာမ်အားလုံး ကုန်ဆုံးပြီးသော ထို နိဗ္ဗာန်သည် သေခြင်း “ မတ ” မရှိရကား“ အမတဂုဏ်တော် ” နှင့်လည်း ပြည့်စုံပါသည်။

၎။ “ ပဏီတဂုဏ်တော် ”

နိဗ္ဗာနဓာတ် တရားမြတ်သည် ရဟန္တာပုဂ္ဂိုလ်များအတွက် ( စား၍ မ၀နိုင်အောင် အရသာရှိသော အစာကဲ့သို့ ) မကြာမကြာ အာရုံပြု၍ နေချင်စရာကောင်းလောက်အောင်အရသာရှိသော တရားတော်ဖြစ်၏။ ဗုဒ္ဓမြတ်စွာသည် ( ဖလသမာပတ်ကို ၀င်စားကာ ) ထို နိဗ္ဗာန်ကို အာရုံပြု၍ မကြာမကြာ သီတင်းသုံးတော် မူလေ့ရှိ၏။ တရားဟောတော် မူတုန်းမှာပင် ပရိသတ်က သာဓုသာဓုခေါ်ပြီးမှ တရားကို ဆက်၍ဟောတော်မူ၏။ နိဗ္ဗာန် တရားတော်သည် ရဟန္တာဖြစ်ပြီး ပုဂ္ဂိုလ်အတွက် ဤမျှလောက် အရသာရှိသော တရားထူး တရားမွန် ဖြစ်သောကြောင့် “ ပဏီတဂုဏ်တော် ” နှင့်လည်း ပြည့်စုံပါသည်။

{ အမရပူရမြို့၊ ကျေးဇူးတော်ရှင်
မဟာဂန္ဓာရုံဆရာတော် အရှင်ဇနကာဘိဝံသ၏
ကိုယ်ကျင့်အဘိဓမ္မာကို ကိုးကား ရေးသားပါသည်။ }

လူ့ ဘ၀ကြီး၏ အသိတရား(၁၄)ချက်။


၁။ လူ့ဘ၀ဧ။် အကြီးမားဆုံးသော ရန်သူသည်
မိမိကိုယ်တိုင် ပင်ဖြစ်သည်။

၂။ လူ့ဘ၀ဧ။် အကြီးမားဆုံးသော ဆုံးရှုံးခြင်းသည်
မိမိဧ။် မာနကြောင့်ဖြစ်သည်။

၃။ လူ့ဘ၀ဧ။် အကြီးမားဆုံးသော အသိမဲ့ခြင်းသည်
မိမိ ကိုယ့်ကိုမိမိ လိမ်လည်နေ ခြင်းဖြစ်သည်။

၎။ လူ့ဘ၀ဧ။် အကြီးမားဆုံးသော ၀မ်းနည်းရခြင်းသည်
မိမိဧ။် မနာလို ၀န်တိုသော စိတ် ကြောင့်ဖြစ်သည်။

၅။ လူ့ဘ၀ဧ။် အကြီးမားဆုံးသော မှားယွင်းမှု လုပ်ရပ်သည် မိမိဧ။် စိတ်ဓာတ်ကျဆင်း ခြင်းကြောင့်ဖြစ်သည်။

၆။ လူ့ဘ၀ဧ။် အကြီးမားဆုံးသော ပြစ်မှုပြုခြင်းသည်
မိမိဧ။် အနိုင်ကျင့်လိုသော စိတ်ဓာတ် ကြောင့် ဖြစ်သည်။

၇။ လူ့ဘ၀ဧ။် အကြီးမားဆုံးသော သနားစရာကောင်းခြင်းသည်
မိမိဧ။် စိတ်အားငယ်မှု ဖြစ်သည်။

၈။ လူ့ဘ၀ဧ။် အကြီးမားဆုံးလေးစားခံရခြင်း သည်
မိမိဧ။် ကြံ့ခိုင်သည့် စိတ်ဓာတ် ဖြစ်သည်။

၉။ လူ့ဘ၀ဧ။် အကြီးမားဆုံး စီးပွားပျက် ရခြင်းသည်
မိမိဧ။် ကိုယ်ပိုင်အနာဂတ် မျှော်လင့်ချက် ကင်းမဲ့ခြင်း ကြောင့်ဖြစ်သည်။

၁၀။ လူ့ဘ၀ဧ။် အကြီးမားဆုံးသော ချမ်းသာရခြင်းသည်
မိမိဧ။် ကျန်းမာရေး ကောင်းမွန်ခြင်း ဖြစ်သည်။

၁၁။ လူ့ဘ၀ဧ။် အကြီးမားဆုံးသော အကြွေးသံသရာ ဖြစ်ခြင်းသည်
လူမှုရေး အကြွေးသံသရာ ဖြစ်သည်။

၁၂။လူ့ဘ၀ဧ။် အကြီးမားဆုံးသော လက်ဆောင်မွန်သည်မိမိဧ။်
သည်းခံခွင့် လွတ်တတ်သော စိတ်ဓာတ် ဖြစ်သည်။

၁၃။လူ့ဘ၀ဧ။် အကြီးမားဆုံးသော လိုအပ်ချက်သည်
မိမိဧ။် အကြင်နာတရား မေတ္တာ စိတ်ဓာတ် ဖြစ်သည်။

၁၄။ လူ့ဘ၀ဧ။် အကြီးမားဆုံးသော ပီတိသည်
အလှူဒါန ပြုခြင်း ဖြစ်သည်။

အဆိုအမိန့် များနှင့် ဗဟုသုတဆိုင်ရာစာပေများမှ ကူးဖော်ပြသည်.

ဒိဋ္ဌိပြုတ်ဖို့ အရေးကြီးတယ်။


"ကျုပ်ဖြင့် ကျောင်းဆောက်, ဘုရားတည်ပြီးပြီ ..
ဘာကိစ္စ ရှိသေးတုန်း ..
ဆွမ်းဦး ကွမ်းဦးလှူရပြီ ..
ကျုပ်ဖြင့် သေပျော်ပြီ .."
ဆိုတာငရဲမျိုးစေ့ (ဒိဋ္ဌိ) ၀မ်းထဲရှိလျက်နဲ့
သေပျော်ပြီ ဆိုတော့ ခက်သေးတယ်။

ခင်ဗျားတို့လှူတာ ဘာမှမဖြစ်လောက်သေးဘူး။
ဘုရားတစ်ဆူတစ်ဆူမှာ တစ်ယောက်သာရှိတဲ့ ကြီးကျယ်ခန်းနားတဲ့ အလှူရှင်မလ္လိကာမိဖုရားကြီး သေခါနီးမှာ အာသန္နကံ ၀င်ပြီး ဖျက်ဆီးလိုက်တဲ့ ဖြစ်ခြင်းဟာ အလှူမကယ်ဘဲနဲ့ အ၀ီစိရောက်သွားတယ်။ရှေ့နောက်လွဲလို့ သက္ကာယဒိဋ္ဌိက ချလိုက်တာ။

အသိဉာဏ် ရှေ့မထားဘဲနဲ့ အလုပ်ရှေ့ထားနေမယ်ဆိုရင်ဒီအလုပ်သည် အလွဲနဲ့အချော်ချည်းမှတ်။

ဒီလို ဆရာကောင်း သမားကောင်းက ပြင်မပေးတော့ဘူးဆိုရင်ကိုယ့်ငါးချဉ်ကိုယ်ချဉ်ပြီး သေပျော်ပြီ ပြောနေမှာပဲ။

ငတ်သေမှာ မကြောက်ပါနဲ့။
ဒိဋ္ဌိပြုတ်ဖို့ အရေးကြီးတယ်။


( မိုးကုတ်ဆရာတော်ဘုရားကြီး)

တရားအားထုတ်ခြင်းဟူသည်။


တရားအားထုတ်တယ်ဆိုတာ…
လေးလံတဲ့ တိုင်ကြီးထမ်းထားသလို၊ လွှတိုက်သလို သဲသဲမဲမဲ ပင်ပင်ပန်းန်း လုပ်ရလိမ့်မယ်လို့ အချို့က ထင်နေကြတယ်။

ဘုရားက ဒီလ်ို မဟောပါဘူး။ဥပမာ မြင်တယ် ဆိုပါတော့။ မြင်တာကို မမြင်မြင်အောင် အားထုတ် ရတာ မဟုတ်ပါဘူး။ "မြင်တယ် မြင်တယ်" လို့ သိဖို့ပဲ။ သတိက မမေ့ဖို့ဘဲ။

ကြားတာကို ကြားတဲ့သူက "ကြားတယ် ကြားတယ်" လို့ သိဖို့ပဲ။ မကြားကြားအောင် အားထုတ် ရတာမျိုး မဟုတ်ပါဘူး။ ကြားတာကို သိအောင် သတိပြုတာကို အားထုတ်တယ်လို့ ခေါ်တယ်။ချွေးထွက် သံယို သိပ်ပြီး လုပ် ရတာ မဟုတ်ပါဘူး။ ကြားတာကို ကြားတယ်လို့ သိရင် ဝိဇ္ဇာ ဖြစ်တာပဲ။ ကြားတာကို ကြားတာလို့ အသိမပါရင် အဝိဇ္ဇာပဲ။ အဝိဇ္ဇာမဖြစ်ဘဲ ဝိဇ္ဇာဖြစ်ဖို့ အင်မတန် အရေးကြီးတယ်။

နံတာ၊ စားတာ၊ ထိတာ၊ သွားတာ၊ ရပ်တာ၊ ထိုင်တာ စသည်တွေမှာလည်း ဒီနည်း အတိုင်းပါပဲ။ နံရင် နံတယ်၊ စားရင် စားတယ်၊ ထိရင် ထိတယ်၊ သွားရင် သွားတယ်၊ ရပ်ရင် ရပ်တယ်၊ ထိုင်ရင် ထိုင်တယ်လို့ သိဖို့ပဲ။

နံရင် နံတယ်လို့ သိရင် တရားဖြစ်တယ် လို့ မထင်ကြဘူး။ ဘုရားကတော့ တရားဖြစ်တယ် လို့ ဟောတယ်။

သတိဆိုတာက တစ်အာရုံနဲ့ တစ်အာရုံ အကူးအပြောင်း အဆက်အစပ်မှာ မေ့တတ်တာကို မမေ့အောင်၊ ထင်ရှားအောင်၊ ပေါ်လွင်အောင် လုပ်ပေးတဲ့ သဘောတရား ဖြစ်တယ်။

ကျေးဇူးရှင် တောင်ပုလု
ကမ္ဘာအေးဆရာတော်ဘုရားကြီး။

မင်းနန် (မော်ကျွန်း) ၏ "ဆရာတော်ကြီးများ၏
သြဝါဒတော်များပေါင်းချုပ်" စာအုပ်မှ
ကူးယူ ပူဇော် မျှဝေပါသည်။

စိတ်ကို ဆုံးမနည်း ဥပမာ


သင့်အား အမျက်ဒေါသ
ဖြစ်ပေါ်လာခဲ့သော်
် ကြမ်းတမ်းသော လွှသွားကို ဥပမာတင်၍ ရှု့ လော့ ။

အချိုအချဉ်စသော အရသာ၌
တပ်မက်မှုတဏှာ ဖြစ်ပေါ်လာခဲ့သော်
မိမိရင်သွေးငယ်၏ စားသောက်ခြင်း
ဥပမာကိုတင်၍ ရှု ဆင်ခြင်လော့ ။

သင်၏စိတ်သည် ကာမဂုဏ်အာရုံတို့ ၌
ပြေးလွှားကျက်စားနေခဲ့သော်
စပါးခင်းကို ဝင်ရောက်မွှေနှောက်သည့်
နွားဆိုးအား ကြိုးဖြင့်နှောင်တုပ်ကာ
တိုင်၌ချည်ထားသည်ကို ဥပမာတင်၍
ရှု့ ဆင်ခြင်လော့။

သင်၏စိတ်ကို သတိဟူသော ကြိုးဖြင့် သမာဓိဟူသောတိုင်၌ ဖွဲ့ ချည်၍
ဆုံးမနှိပ်ကွပ်လေလော့ ။ ။

အရှင် ဗြဟ္မဒတ္ထ
(ဆက္ကနိပါတ်-၁၂)

ဆရာတော် အရှင်ဇဝန
မေတ္တာရှင်(ရွှေပြည်သာ) ၏
ဗုဒ္ဓဘာသာခေါင်း ဆောင်းထားသော
အရှင်ဒေဝဒတ်၏ တပည့်များ စာအုပ်မှ။

လာရာနှင့်လားရာ။


သံသရာတလျှောက်လုံးမှာဘဝတွေအများကြီးကျင်လည်ခဲ့ပြီးပါပြီ။ယခုပစ္စုပန်ဘဝမှာဗုဒ္ဓမြတ်စွာသာသနာနဲ့ကြုံတွေ့ခိုက်မှာရခဲလှတဲ့လူ့ ဘဝကိုလည်းရ ရှိခဲ့ပြီ။

အခုအချိန်မှာလောဘေ ဒါသ မောဟတွေဆက်ဖြစ်နေမယ်ဆိုရင်တော့အပြန်လမ်းကအပါယ်လေးဘုံပါ ။ဒါနသီလ သမထနဲ့ ဘာဝနာတရားတွေပွားများနိုင်ရင်လူ နတ် ဗြဟ္မာချမ်းသာပြန်ရဦးမှာပါ။
အသိဥာဏ်နဲ့ယှဉ်သတိတရားနဲ့ဘာဝနာတရားကိုပိုပွားများနိုင်ရင်နိဗ္ဗာန်ချိမ်းသာ ကိုရ ရှိမှာပါ။

လာခြင်း ၂ မျိုးနဲ့ပြန်ခြင်း ၂ မျိုး ရှိပါတယ်။

(၁)အမှောင်ထဲကလာပြီးအမှောင်ထဲကိုပြန်တဲ့သူ။

အတိတ်ဘဝကကုသိုလ်ကောင်းမှု့ထက်အကုသိုလ်အလုပ်တွေကပိုများခဲ့လို့ ယခုဘဝမှာပင်ပန်းဆင်းရဲစွာနေထိုင်ရပြီး ဘုရားသာသနာနှင့်တွေ့ကြုံရပါသော်လည်းဒီဘဝမှာလည်းကုသိုလ်ကောင်းမှု့တွေကိုမေ့ပြီးဒုစရိုက်တွေပြုတုန်း မိုက်နေတုန်းဘဲဆိုရင်ပြန်ရမဲ့လားရာလမ်းက အပါယ်၎ ဘုံ အမှောင်လမ်းပါ။

(၂)အမှောင်ထဲကလာပြီးအလင်းကိုပြန်တဲ့သူ။

အတိတ်ကအကုသိုလ်ကံတွေများပြီး ကုသိုလ်ကံကနဲခဲ့လို့ လူဆင်းရဲပြီးဘဝကိုခက်ခဲစွာရုန်းကန်ရပေမဲ့ယခုဘဝမှာသာသနာနဲ့ကြုံတွေ့ခိုက်ဆရာကောင်းမိတ်ကောင်းတို့ နှင့်ဆုံတွေ့ပြီးဒါနသီလ သမထ ဘာဝနာတရားတို့ကိုကောင်းစွာကြိုးစားအားထုတ်ဖြစ်တော့အပြန်လားကလူ နတ် ဗြဟ္မာ နိဗ္ဗာန် ချမ်းသာကို ရမဲ့အလင်းကိုပြန်ရမှာပါ။

(၃)အလင်းထဲကလာပြီးအမှောင်ထဲကိုပြန်တဲ့သူ။

အတိတ်ဘဝကဒါန သီလ သမထကောင်းမှု့တွေနဲ့လူဖြစ်လာခဲ့ရပြီးဘာသာသနာနဲ့ကြုံတွေ့ရသော်လည်းစည်းစိမ်ချမ်းသာအပေါ်မှာယစ်မူးပြီးဒုစရိုက်တွေလည်းလုပ်
သီလကိုလည်းမစောင့်ထိန်းရင်တော့ပြန်ရမည့်လားရာက အပါယ်လေးဘုံဖြစ်တဲ့
အမှောင်လမ်းပါ။

(၄)အလင်းထဲကလာပြီးအလင်းထဲကိုပြန်တဲ့သူ။

အတိတ်ဘဝကဒါန သီလ သမထ ဘာဝနာကုသိုလ်တွေလုပ်ခဲ့လို့ယခု ဘဝမှာလူချမ်းသာလည်းဖြစ်ရပြီးသာသနာနှင့်ကြုံတွေ့ခိုက်မှာလည်းဒါန သီလ သမထ ဘာဝနာတရားတွေကိုဥာဏ်အသိသတိနဲ့ ယှဉ်ပွားများနေမယ်ဆိုရင်ပြန်ရမည်းအပြန်လမ်းက နိဗ္ဗာန်ရောက်ကြောင်းခရီးလမ်းကြောင်းအလင်းလမ်းပါ။

ယခုပစ္စုပန် မှာနေတဲ့လူ့ဘဝမှာကိုယ်ဘယ်ကလာခဲ့သလဲသိဖို့ မလို စဉ်းစားစရာမလိုပါ။

ဘယ်ကိုသွားမလည်းသာအရေးကြီးဆုံးပါ တရားကိုတ့ခြားမှာသွားရှာဘို့ မလိုပါဘူး။

က်ုယ့်ခန္ဓာမှာဘဲရှာပါ။မသိတာနဲ့စပြီးအသိဥာဏ်နဲ့ဆုံးရမှာပါ။
အဝိဇ္ဇာပိုက်ကွန်ထဲကတဏှာကိုပါယ်သတ်ပြီးအသိသတိဥာဏ်နဲ့သံသရာအတွက်မမေ့ကြဘဲနိဗ္ဗာန်ရောက်ကြောင်းအလင်းလမ်းကိလျှောက်လှမ်းကြပါစို့။


ဗောဓိရိပ်ငြိမ်တောရဆရာတော်
ဘဒ္ဒန္တဣန္ဒာစရိယ ဟောကြားတော်မူသောတရားတော်ကို နာယူမှတ်သားရေးသားမျှဝေပါသည် ။

ချီးမွမ်းထိုက်သော သားသမီး



တခါသော် မြတ်စွာဘုရားသခင်က ရဟန်းတို့အား မိဘတို့သည် အကြောင်း ၅-မျိုးကြောင့် သားသမီးကို အလိုရှိကြောင်းဤသို့ မိန့်တော်မူသည်။

ရဟန်းတို့၊ မိဘတို့သည် အကြောင်း ၅-မျိုးကြောင့် သားသမီး အလိုရှိကုန်၏။

ယင်းအကြောင်း ၅-မျိုးမှာ-
၁။ ငါတို့ မွေးမြူထားသော သားသမီးသည် ငါတို့အား လုပ်ကျွေး မွေးမြူပေလိမ့်မည်။
၂။ ငါတို့၏ အမှုကိစ္စကို ပြုလုပ်ပေးလိမ့်မည်။
၃။ အမျိုးအဆက်သည် ရှည်မြင့်စွာ တည်ပေလိမ့်မည်။
၎။ အမွေခံ ဖြစ်ပေလိမ့်မည်။
၅။ ဘ၀တပါးသို့ ပြောင်းသွားသော ငါတို့အား အလှူ၏အဖို့ကို ပေးဝေကြပေလိမ့်မည်။
ဟူသော အချက်များ ဖြစ်သည်။

ရဟန်းတို့၊ ဤအကြောင်း ၅-မျိုးကို ကောင်းစွာရှုမြင်သည့် ပညာရှိ မိဘတို့သည် သားသမီးကို လိုချင် တောင့်တကြကုန်၏။

ထို့ကြောင့် ပြုဖူးသော ကျေးဇူးကိုသိ၍ သူ့ကျေးဇူးကို ထင်စွာ ပြုတတ်သော, ငြိမ်သက်သော စိတ်ရှိသော, သူတော်ကောင်းတို့သည် ရှေးကပြုဖူးသည်ကို အဖန်ဖန်အောက်မေ့လျက် မိဘတို့ကို လုပ်ကျွေးမွေးမြူကြကုန်၏။

ကျေးဇူးပြုဖူးသူ၏ ကိစ္စကို ပြုလုပ်သကဲ့သို့ ထို့အတူ မိဘတို့၏ အမှုကိစ္စတို့ကို ပြုလုပ်ကုန်၏။

ရဟန်းတို့၊ မိဘတို့ အဆုံးအမကို လိုက်နာလေ့ရှိ၍ မွေးမြူဖူးသော မိဘတို့အား လုပ်ကျွေး မွေးမြူလေ့ရှိသော အမျိုးအနွယ် မယုတ်စေ၍ သဒ္ဓါတရားရှိသည့်သီလနှင့်ပြည့်စုံသော သားသမီးသည် ချီးမွမ်းထိုက်သူ ဖြစ်ပေသတည်း။

( အင်္ဂုတ္တိုရ် ၄-သုမန၀ဂ်၊ ၉-ပုတ္တသုတ် )

အတ္တ၀ါဒနှင့် အနတ္တ၀ါဒ……


မြတ်စွာဘုရားသခင်သည် ဝေသာလီပြည် ကုဋာဂါရအရပ်၌ သီတင်းသုံးနေတော်မူစဉ် အမိဘက်မှ ၀ါဒ ၅၀၀၊ အဖဘက်မှ ၀ါဒ ၅၀၀၊ ၀ါဒ ၁၀၀၀ ပိုင်ဆိုင်သော သစ္စက အမည်ရှိ ပရိဗိုရ်တစ်ဦးသည် မြို့တကာ နယ်တကာ လှည့်လည်ပြီး ၀ါဒရေးရာအတတ်ဖြင့် လိုက်လံပြိုင်ဆိုင် အနိုင်ယူလျှက်ရှိသည်။…

ဝေသာလီပြည်ရောက်သောအခါ လိစ္ဆ၀ီမင်းသား ၅၀၀ ကို ၀ါဒရေးရာနှင့် ပတ်သက်သော အတတ်ပညာကို သင်ကြားပို့ချလျှက်ရှိသည်။ ထိုစဉ်အခါက အိန္ဒိယပြည်တွင် ၀ါဒရေးရာနှင့် ပတ်သက်သော ငြင်းခုံမှု၊ ယှဉ်ပြိုင်မှု အလွန်များလှသည်။…

သစ္စကပရိဗိုရ်သည် သူ၏တပည့်တို့ကို ဤသို့ပြောကြားသည်။ “တပည့်တို့…ယခု ကုဋဂါရ၌ ရောက်နေသော ရဟန်းဂေါတမသည် ၀ါဒရေးရာ၌ အလွန်ကျော်ကြားသည်။ ငါတို့ သွားရောက် ယှဉ်ပြိုင်ပါအံ့၊ ငါနှင့်ယှဉ်ပြိုင်သူအားလုံးတို့သည် ဖွဲပြာများ လွင့်စင်သွားသကဲ့သို့ လွင့်စင်သွား ရပေသည်။ ရဟန်းဂေါတမသည်လည်း ထိုသူတို့ကဲ့သို့ လွင့်စင်ရပေမည်။ လူတို့အလယ်၌ အရှက်ရ စေမည်ဟု မောက်မာစွာ ၀င့်ကြွား၍ ပြောကြားသည်။…

သစ္စကပရိဗိုရ်သည် မြတ်စွာဘုရားထံ ရောက်သောအခါ “အရှင်ဘုရား…တပည့်တော်သည် အရှင်ဘုရားခွင့်ပြုလျှင် ပုစ္ဆာများ မေးမြန်းလိုပါသည်” ဟု လျှောက်ထားရာ မြတ်စွာဘုရားက “သစ္စက…အသင်မေးလိုသောအရာတို့ကို မေးမြန်းပါ” ဟု ခွင့်ပြုပါသည်။…သစ္စကသည် “အရှင်ဘုရား…အရှင်ဘုရား၏ တပည့်တို့ကို မည်သို့ဆုံးမပါသနည်း၊ မည်သည့် ဒေသနာကို ဟောကြားပါသနည်း” ဟု မေးမြန်းလျှောက်သည်။…

“သစ္စက…ငါ၏ တပည့်တို့ကို ကံ-စိတ်-ဥတု-အဟာရတည်းဟူသော အကြောင်းတရား လေးပါးကို အမှီပြုဖြစ်ပေါ်သော မိမိတို့၏ ခန္ဓာသည် ဖောက်ပြန်တတ်သော ရုပ်အစု၊ ခံစားတတ်သော ဝေဒနာ အစု၊ မှတ်သားတတ်သော သညာအစု၊ ပြုပြင်တတ်သော သင်္ခါရအစု၊ သိတတ်သော စိတ်အစု ဟူ၍ ဓါတ်ငါးမျိုးဖြင့် တည်ဆောက်ထားသော ခန္ဓာဖြစ်သည်။

ဤခန္ဓာငါးပါး ပရမတ်တရားတို့သည် ဖောက်ပြန်ပြောင်းလဲ ပျက်စီးတတ်သောသဘောသာ ဖြစ်သည်။ ထိုမမြဲသော၊ ဆင်းရဲသော၊ အစိုးမရသော သဘောတို့ကို နေ့ညမပြတ် ပွားများကြပါဟု ငါဘုရား ဆုံးမခဲ့သည်။

သစ္စက…ငါဘုရားသည် ထိုခန္ဓာငါးပါး သင်္ခါရတရားတို့သည် အကြောင်းတရား အမျိုးမျိုးကို အခြေခံကာ ဖြစ်လာသော အကျိုးတရားများသာ ဖြစ်သည်။ ဒါကြောင့် မမြဲသောသဘော၊ ဆင်းရဲသော သဘော၊ အစိုးမရသော သဘောများသာဖြစ်သည်။

ထိုသင်္ခါရတရားတို့ကို ငါ-သူ-သတ္တ၀ါဟု သတ်မှတ်၍ ပြောဆိုရသော်လည်း ထိုသင်္ခါရတရားအစုသည် ငါ-သူ-သတ္တ၀ါ-ယောက်ကျား-မိန်းမ မဟုတ်၊ ပိုင်သူ-အစိုးရသူ၊ ထိုသင်္ခါရတရားကို ဒီလိုဖြစ်ပါ၊ ဒီလိုမဖြစ်ပါစေနဲ့၊ မအိုပါစေနဲ့၊ မနာပါစေနဲ့၊ ၉၆ ပါးသောရောဂါတွေ မဖြစ်ပါစေနဲ့၊ မသေပါစေနဲ့ဟု တားမြစ်နိုင်သူ၊ အစိုးရသူ၊ အမိန့်ပေးနိုင်သူဟူ၍ မရှိသောကြောင့် ခန္ဓာငါးပါး သင်္ခါရတရားအားလုံးသည် သဗ္ဗေဓမ္မာ အနတ္တာဟု ငါဘုရားဟောကြား ဆုံးမသည်” ဟု မိန့်တော်မူသည်။…

သစ္စကသည် အတ္တအယူရှိသောကြောင့် မြတ်စွာဘုရားဟောကြားသောတရားကို သူ၏အတ္တ၀ါဒဖြင့် အနိုင်ယူရန် အခွင့်ရပြီဟု ထင်နေပါသည်။ “သင်ဂေါတမ…သင်သည် တတ်လည်းတတ်နိုင်လှသည်။”…

သစ္စကသည် သူ၏ ရင်ပတ်ကိုပုတ်ကာ “သင်ဂေါတမ…ဤအရာသည် ငါ့ကိုယ်၊ ငါ့ခန္ဓာမဟုတ်လော့၊ ငါ စားလိုက စားနိုင်သည်၊ ငါ သွားလိုက သွားနိုင်သည်၊ ငါ ပြောလိုက ပြောနိုင်သည်၊ ဤခန္ဓာတည်ရှိနေသ၍ ငါပစ္စည်း ငါပိုင်-ငါအစိုးရသည် မဟုတ်ပါလော့၊ နေရာတကာ အနတ္တ၊ အနတ္တဟု ပြောနေသည်မှာ မှန်နိုင်ပါမည်လော” ဟု မေးပါသည်။

သစ္စက ဤသို့မေးသည်ကို သူ၏တပည့် ငါးရာနှင့် လာရောက်နားထောင်နေသော မင်းပရိသတ်အပေါင်းတို့သည် သစ္စက က နိုင်မည်လော၊ မြတ်စွာဘုရားက နိုင်မည်လောဟု အမျိုးမျိုးတွေးကာ စောင့်နေကြသည်။…

မြတ်စွာဘုရားသည် “သစ္စက…သင်သည် ခန္ဓာငါးပါး၏ ဖြစ်ပျက်စဉ် တခဏကို ထာဝရ မှတ်နေ ပါသလား၊ သင်၏ ခန္ဓာကိုယ်ကို သင် ပိုင်သည်၊ သင် အစိုးရသည်၊ သင့်စကား နားထောင်သည်၊ သင့်အမိန့် နာခံသည်ဟူသော အယူကို သင်ယုံကြည်လက်ခံပါသလား” ဟု မေးပါသည်။…

သစ္စက က နောက်သို့ လှည့်ကြည့်ပြီး လူအားလုံးတို့သည် ထိုအယူကို ယုံကြည်ကြပါသည်ဟု လျှောက်သည်။ မြတ်စွာဘုရားက “သစ္စက…ငါသည် သူများကို မေးနေသည်မဟုတ်၊ သင့်ကိုသာ ငါမေးနေသည်၊ သင်ဖြေကြားပါလော့” ဟု ထပ်မံတိုက်တွန်းပါသည်။

“သစ္စက…တိုင်းပြည် အုပ်ချုပ်သော အစိုးရမင်းတို့သည် မင်းမှုထမ်းတို့အား တာဝန်ကျေပြွန်စွာ ထမ်းဆောင်သူကို ဆုလာဒ် ပေးသနားသကဲ့သို့ တာဝန်ကျေပြွန်စွာ မထမ်းဆောင်သူကို အပြစ်ပေးလေ့ရှိသည်။ ယခုလည်း သင့် ခန္ဓာကိုယ်ကို သင်ပိုင်သည်၊ သင်အစိုးရသည် ဆိုငြားအံ့၊ သင်သည် အိုမင်းမစွမ်းသောအရွယ်သို့ ရောက်နေပြီဖြစ်သည်။ သင့်ခန္ဓာကိုယ်အား နုပျိုသော ၁၆ နှစ်အရွယ်သို့ ပြန်လည်ရောက်အောင် အမိန့်ပေး ခိုင်းစေပါလော့” ဟု မိန့်တော်မူသည်။…

သစ္စကသည် ပြန်လည်ဖြေကြားရန် အမျိုးမျိုးစဉ်းစားသော်လည်း ထိုအဖြေကို ဖြေကြားရန် မစွမ်းနိုင်သောကြောင့် နဖူးမှ ချွေးတို့သည် တသွင်သွင် စီးကျနေသည်။ မြတ်စွာဘုရားကို မော်မော်ကြွားကြွား၊ စော်စော်ကားကား၊ ဘ၀င်မြင့်၍ ပြောမိသောစကားတို့ကြောင့် ယခုမူ တလုံးတပါဒမျှ ပြန်လည်မချေပနိုင်ပဲ၊ ငါတော့ မှားပြီ၊ အရှက်ကွဲပြီဟု နောင်တရနေသည်။…

မြတ်စွာဘုရားသခင်သည် “သစ္စက…ငါမေးသသောပုစ္ဆာကို ဖြေကြားပါလော့” ဟု သုံးကြိမ်တိုင်တိုင် မေးသော်လည်း မဖြေနိုင်သောကြောင့် မြတ်စွာဘုရားကို အရှုံးပေးရပါတော့သည်။…

သစ္စကသည် “ဘုန်းတော်ကြီးသော မြတ်စွာဘုရား၊ တပည့်တော်သည် ခန္ဓာငါးပါး သင်္ခါရတရား တို့ကို ငါ့ကိုယ်၊ ငါ့ခန္ဓာ၊ ငါ့အသက်၊ ငါ့ဝိညာဉ်၊ ငါ့လိပ်ပြာ ဟု မှားယွင်းစွာ ယုံကြည်စွဲလမ်းခဲ့ပါသည်။ ထိုစွဲလမ်းမှုမှ တဏှာ၊ မာန၊ ဒိဋ္ဌိတို့ ထပ်ဆင့်ပေါက်ဖွားလာပြန်ပါသည်။ ထိုစွဲလမ်းမှုမှ ငါသိ၊ ငါတတ်၊ ငါမှငါ-ငါသာလျှင် ဆရာဖြစ်ရမည်ဟု ထောင်လွှားမော်ကြွားပြီး ပြောဆိုမိပါသည်။ တပည့်တော်ကို ထိုအပြစ်တို့မှ သည်းခံခွင့်လွတ်ပေးပါရန် လျှောက်ထား တောင်းပန်ပါသည်။

တပည့်တော်ကိုလည်း တပည့်သာဝကအဖြစ် မှတ်ယူတော်မူပါ၊ သဗ္ဗေသင်္ခါရ အနိစ္စ၊ သဗ္ဗေသင်္ခါရ ဒုက္ခ၊ သဗ္ဗေဓမ္မောအနတ္တာ ဟူသော အရှင်ဘုရား၏ ဟောကြားမှုတို့ကို ယုံကြည်ပါပြီဘုရား” ဟု ၀န်ချ တောင်းပန် လျှောက်ထား ပါသည်။

(မဇ္ဈိမနိကာယ်ပါဠိတော်၊ စူဠသစ္စကသုတ်မှ)…

အကျွန်ုပ်တို့သည် သစ္စက ကဲ့သို့ပင် ခန္ဓာငါးပါး၏ တခဏဖြစ်စဉ်ကို ထာဝရဟု ထင်မှတ်ခဲ့သည်။ မွေးကင်းစအရွယ်မှ ကလေးဘ၀၊ ကလေးဘ၀မှ လူလတ်ဘ၀၊ လူလတ်ဘ၀မှ လူကြီးဘ၀၊ လူကြီးဘ၀မှ လူအိုဘ၀သို့ ဘ၀တွေ အဆင့်ဆင့်ပြောင်းလဲဖြစ်လာခဲ့သည်။ မွေးကင်းစအရွယ် ခန္ဓာကိုယ်သည် ကလေးဘ၀သို့ ပါမလာပါ၊ ကလေးဘ၀မှ ခန္ဓာသည် လူလတ်ဘ၀သို့ ပါမလာပါ။ အဟာရ၏ အစွမ်းဖြင့် ဘ၀တွေ အဆင့်ဆင့်ပြောင်းလဲဖြစ်လာရသော်လည်း ရုပ်တို့သည် အပိုင်းပိုင်း ပြတ်၍ ပျက်စီးပျောက်ကွယ်ခဲ့ပြီဖြစ်သည်။

သို့သော်လည်း မွေးကင်းစခန္ဓာကို အခြေခံပြီး ကလေးဘ၀ ရောက်ရသည်။ ကလေးဘ၀ အခြေခံပြီး လူလတ်၊ လူကြီး၊ လူအိုအရွယ်သို့ အဆင့်ဆင့်ဖြစ်ရသည်။ ဤသို့ဖြစ်ခြင်းကို ဘ၀သံသရာဟုခေါ်သည်။

ဦးမြမောင်၊ မြရိပ်မြိုင်၊
ချမ်းအေးသာဇံမြို့နယ်၊ မန္တလေးမြို့၏
“ဗုဒ္ဓဘာသာအကြောင်း သိကောင်းစရာ”မှ ကူးယူဖော်ပြပါသည်။

"ပြောမပြနိုင်တဲ့ချမ်းသာ"


ရွှေရောင်းမှ ရွှေအကြောင်း သိပါတယ်။
တရားအလုပ် အားထုတ်မှ တရားအကြောင်း သိပါတယ်။

ပန်းသီးအရသာ ကိုယ်တိုင်စားကြည့်မှ သိပါတယ်။
တရားချမ်းသာ ကိုယ်တိုင်အားထုတ်ကြည့်မှ သိပါတယ်။

ပန်းသီးအရသာ စားနေတဲ့ အချိန်မှဘဲ သိပါတယ်။
တရားချမ်းသာ အားထုတ်နေတဲ့အချိန်မှဘဲ ခံစားရပါတယ်။

တရားချမ်းသာ မခံစားတတ်ရင် လောကချမ်းသာများကို အထင်ကြီး နေတတ်ပါတယ်။
လောကချမ်းသာများ အထင်ကြီးနေရင်လည်း တရားချမ်းသာများ ခံစားနိုင်မည် မဟုတ်ပါ။

တရားချမ်းသာ ခံစားတတ်ရင် တစ်ယောက်ထဲ နေတတ်ပါတယ်။
တစ်ယောက်ထဲ နေတတ်ရင်လဲ တရားချမ်းသာများ ခံစားရပါတယ်။


ချမ်းအေးဆရာတော်
ဘဒ္ဒန္တနာဂသေနာ ဘိဝံသထေရ် ။

သံသရာလွတ်လမ်း။


သံသရာကလွတ်မြောက်ဖို့အတွက်
တစ်ခုတည်းသောလမ်းက
သတိပဋ္ဌာန်တရားအားထုတ်တဲ့
ဝိပဿနာတစ်လမ်းပဲရှိပါတယ်။

ဒါန သီလ သမထ ဘာဝနာရယ်မှာ
ဒါန သီလ သမထက
သာသနာတွင်းမှာပဲဖြစ်ဖြစ်
သာသနာပမှာပဲဖြစ်ဖြစ် ပြုလုပ်လို့
ရနိုင်သလို ဗုဒ္ဓဘာသာမဟုတ်တဲ့
တစ်ခြားဘာသာတွေမှာလည်း
ဒါန သီလ သမထဆိုတာတွေရှိကြပါတယ်။

သတိပဋ္ဌာန်တရားအားထုတ်တဲံ့
ဝိပဿနာကတော့ သာသနာအတွင်းမှာပဲရှိနိုင်ပါတယ်။

ဗုဒ္ဓဘုရားရှင်ပွင့်မှ သိခွင့်ရတဲ့ သတိပဋ္ဌာန်တရားပဲဖြစ်ပါတယ်။

လူ နတ် ဗြဟ္မာ သတ္တ၀ါ အားလုံးတို့အတွက် သံသရာကလွတ်မြောက်ပြီး နိဗ္ဗာန်ကိုရောက်နိုင်တဲ့တစ်ခုတည်းသောလမ်းကလည်း သတိပဋ္ဌာန်တရားပဲဖြစ်ပါတယ်လို့ ဘုရားရှင်ကဟောကြားခဲ့ပါတယ်။

တော်ရုံပါရမီ ဇွဲလုံ့လနဲ့တော့မရနိုင်ပါဘူး။ သတိပဋ္ဌာန်တရားဝိပဿနာကိုပွားများမယ်ဆိုရင် မိမိအားထုတ်မှု့ဝီရိယပေါ်မူတည်ပြီးအကျိုးခံစားရပါမယ်။

သတိပဋ္ဌာန်ခရီးလမ်းရဲ့နောက်ဆုံးပန်းတိုင်ကတော့ နိဗ္ဗာန်ပဲဖြစ်ပါတယ်။ နိဗ္ဗာန်မရောက်မှီ သံသရာကျင်လည်ခဲ့ရင်လည်း သတိပဋ္ဌာန်ရဲ့အကျိုးတရားခံစားရပုံတွေကို မဟာသတိပဋ္ဌာနသုတ်မှာ ဘုရားရှင်က ယခုလိုဟောကြားခဲ့ပါတယ်။

သတိပဋ္ဌာန်တရား၏အကျိုးအားကြောင်

၁။ စိတ်စင်ကြယ်မှု့ရှိခြင်း
၂။ စိုးရိမ်ပူပန်ခြင်း ငိုကြွေးခြင်းတို့ကိုလွန်မြောက်နိုင်ခြင်း
၃။ ကိုယ်ဆင်းရဲခြင်း စိတ်ဆင်းရဲခြင်းတို့ ချုပ်ငြိမ်းလာခြင်း
၎။ အရိယာမဂ်အဆင့်ဆင့်သို့ ရောက်ရှိနိုင်ခြင်း
၅။ နိဗ္ဗာန်သို့မျက်မှောက်ပြုနိုင်ခြင်း။

ဤအကျိုးတရားတွေကိုခံစားရပါမယ်လို့ မြတ်စွာဘုရားရှင်ကိုယ်တော်တိုင် အာမခံချက်ပေးထားတဲ့ သတိပဋ္ဌာန်တရား ၀ိပဿနာကို တတ်နိုင်သမျှပွားများကျင့်ကြံခြင်းဖြင့် သံသရာလွတ်လမ်း နိဗ္ဗာန်ခရီးနီးနိုင်ကြပါစေ။

(မောဟ အဝိဇ္ဇာ )




အာရုံမှာ တွေဝေစေတတ်တဲ့အတွက်
မောဟ-လို့ ခေါ်ပါတယ်။

ဒီမောဟဟာ ဉာဏ်ရဲ့ဆန့်ကျင်ဘက် ဖြစ်ပါတယ်၊ အာရုံမှာ တွေဝေစေတယ်ဆိုပေမယ့် ဝိစိကိစ္ဆာသဘောလို မဆုံးဖြတ်နိုင်ဘဲ ဝေတေတေဖြစ်နေတာမျိုး မဟုတ်ပါဘူး၊ အာရုံရဲ့ အမှန်သဘောကို မသိတာဘဲ ဖြစ်ပါတယ်၊ ဒါ့ကြောင့် အာရုံရဲ့ အမှန်သဘောကိုမသိခြင်းသဘောလို့ ဆိုထားခဲ့ပါတယ်။

ဘဝင်ကျလို့ အိပ်ပျော်နေသလို
မသိရုံသက်သက်လည်း မဟုတ်ပါဘူး၊ ဉာဏ်က အမှန်ကိုသိပြီး မောဟက အမှားကို သိပါတယ်၊ ဒါကြောင့် ဉာဏ်ရဲ့ ဆန့်ကျင်ဘက် ဖြစ်တယ်လို့လည်းဆိုရပါတယ်။

ဒီမောဟဟာ သိသင့်တဲ့ အရာဌာနကို မိမိကိုယ်တိုင်လည်း မသိတတ်၊ မိမိနှင့် ဖြစ်ဖော်ဖြစ်ဖက် (ယှဉ်ဖက်) အကုသိုလ် စေတသိက်များနှင့် မိမိဖြစ်နေတဲ့ ပုဂ္ဂိုလ်ကိုလည်း မသိစေတတ်၊ ဒါကြောင့် ဒီမောဟကို အဝိဇ္ဇာ-လို့လည်း ခေါ်ပါသေးတယ်။

အဘိဓမ္မာသဘောအရ ပြောရမယ်ဆိုရင် သစ္စာ ၄-ပါး၊ ပုဗ္ဗန္တ၊ အပရန္တ၊ ပုဗ္ဗန္တာပရန္တ၊ ပဋိစ္စသမုပ္ပါဒ် ဒီ ၈-ဌာနဟာ သိသင့်တဲ့ ဋ္ဌာနတွေ ဖြစ်ပါတယ်။

အဲဒီ ၈-ဌာနအနက် ဘုံ ၃-ပါးမှာ ရှိရှိသမျှ ရုပ်နာမ်တွေဟာ ဒုက္ခသစ္စာတွေချည်း ဖြစ်ကြပါတယ်၊ အဲဒီဒုက္ခတွေက်ို ဒုက္ခလို့ မသိနိုင်ခြင်းဟာ ဒုက္ခသစ္စာကို ဖုံးလွှမ်းတတ်တဲ့ အဝိဇ္ဇာရဲ့ သတ္တိပဲ ဖြစ်ပါတယ်။

အလားတူပဲ တဏှာလောဘကို ဒုက္ခဖြစ်ကြောင်းမှန်း မသိခြင်းဟာ သမုဒယသစ္စာကို ဖုံးလွှမ်းတတ်တဲ့ အဝိဇ္ဇာရဲ့ သတ္တိပဲ ဖြစ်ပါတယ်။

နိဗ္ဗာန်ကို ဒုက္ခချုပ်ရာမှန်း မသိခြင်းဟာ နိရောဓသစ္စာကို ဖုံးလွှမ်းတတ်တဲ့ အဝိဇ္ဇာရဲ့ သတ္တိပဲ ဖြစ်ပါတယ်။

မဂ္ဂင် ၈-ပါးကို နိဗ္ဗာန်ရောက်ကြောင်း လမ်းကောင်းလမ်းမှန်မှန်း မသိခြင်းဟာ မဂ္ဂသစ္စာကို ဖုံးလွှမ်းတတ်တဲ့ အဝိဇ္ဇာရဲ့ သတ္တိပဲ ဖြစ်ပါတယ်။