သတိဖြစ်ပေါ်ခြင်း၏ အကြောင်းကား မည်မျှနည်း။

အရှင် နာဂသေနဘုရား၊ အဘယ်မျှသော
အကြောင်းတို့ကြောင့် သတိဖြစ်ပေါ်လာပါ
သနည်း။

မင်းမြတ် တစ်ဆယ့်ခုနှစ်ပါးသောအကြောင်း
ကြောင့် သတိဖြစ်ပေါ်လာပေ၏။

မင်းမြတ်၊ အမြဲ သိမှတ်သောအားဖြင့်လည်း
ကောင်း၊ အခြားသူတို့က လှုံ့ဆော်ပေးသော
အားဖြင့်လည်းကောင်း၊ ထင်ရှားရှိသောအာရုံ
ကို သိခြင်းအားဖြင့်လည်းကောင်း၊ အကျိုးစီး
ပွားရှိသည်ကို သိသောအားဖြင့်လည်းကောင်း
အကျိုးစီးပွား မရှိသည်ကို သိသောအားဖြင့်
လည်းကောင်း၊ သဘောတူသောအာရုံအားဖြင့်
လည်းကောင်း၊ သဘောမတူသော အာရုံအား
ဖြင့်လည်းကောင်း၊ စကားသံကို ကြားသိသော
အားဖြင့်လည်းကောင်း၊မှတ်ကြောင်းအင်္ဂါလက္ခ
ဏာအားဖြင့်လည်းကောင်း၊သူတစ်ပါးတို့သတိ
ပေးသောအားဖြင့် လည်းကောင်း၊ အက္ခရာ
အရေးအသားအားဖြင့် လည်းကောင်း အရေ
အတွက်အားဖြင့်လည်းကောင်း၊ နှုတ်ငုံဆောင်
ထားသော အားဖြင့်လည်းကောင်း၊ ကမ္မဋ္ဌာန်း
ဘာဝနာအားဖြင့်လည်းကောင်း၊ ပေ ပုရပိုက်
စာအုပ်တို့ကိုဖတ်ရှုခြင်းအားဖြင့်လည်းကောင်း၊
အနီး၌ချထားခြင်းအားဖြင့်လည်းကောင်း၊ သုံး
ဆောင်ခံစားခြင်းအားဖြင့်လည်းကောင်း သတိ
ဖြစ်ပေါ်လာပေ၏။

၁။ အမြဲသိမှတ်သောအားဖြင့် သတိဖြစ်ပုံကား
အရှင်အာနန္ဒာနှင့် ခုဇ္ဇုတ္တရာ ဥပါသိကာမတို့
သည် ပိဋကတ်သုံးပုံကို အောက်မေ့သကဲ့သို့
တည်း။ ဇာတိဿရဉာဏ်ရသူတို့သည် ဘ၀
ဟောင်းကို အောက်မေ့နိုင်သကဲ့သို့တည်း။

၂။ အခြားသူတို့ လှုံ့ဆော်ပေးသောအားဖြင့်
သတိဖြစ်ပုံကား သတိမေ့တတ်သူကိုသတိရ
အောင် အစဉ်အမြဲသတိပေးနေရခြင်းတည်း။

၃။ ထင်ရှားသောအာရုံကို သိသောအားဖြင့်သတိ
ဖြစ်ပုံကားမင်းအဖြစ်ဖြင့်အဘိသိက်ခံရခြင်းတည်း။
သောတာပတ္တိဖိုလ်သို့ ဆိုက်ရောက်ခြင်းတည်း။

၎။ အကျိုးစီးပွားရှိသည်ကိုသိသောအားဖြင့်သတိ
ဖြစ်ပုံကား အကျိုးစီးပွားဖြစ်ထွန်းရာအရပ်ကိုသတိ
ရခြင်းတည်း။

၅။ အကျိုးစီးပွားမရှိသည်ကိုသိသောအားဖြင့်သတိ
ဖြစ်ပုံကား ဆင်းရဲဒုက္ခရောက်ခဲ့ရာအရပ်ကို သတိ
ရခြင်းတည်း။

၆။ သဘောတူသောအားဖြင့် သတိဖြစ်ပုံကား အမိ၊
အဖစသည်တို့နှင့်တူသောသူကို တွေ့မြင်သောအခါ
အမိအဖစသည်ကို သတိရခြင်းတည်း။

၇။ သဘောမတူသော အာရုံအားဖြင့် သတိဖြစ်ပုံကား
လူတစ်ယောက်စီ၏ အဆင်းအသံ စသည်ကွဲပြားပုံကို
သတိရခြင်းတည်း။

၈။ စကားသံကို ကြားသိသောအားဖြင့်သတိဖြစ်
ပုံကား သတိမေ့လျော့တတ်သူသည် သတိပေး
သူ၏စကားသံကို ကြားရ၍သတိရလာခြင်းတည်း။

၉။ မှတ်ကြောင်းအင်္ဂါလက္ခဏာအားဖြင့် သတိဖြစ်
ပုံကား နွားတို့၏ ခြေ လက် အင်္ဂါ ဗွေစသည်တို့ဖြင့်
မှတ်သား၍ သိခြင်းတည်း။

၁၀။ သူတစ်ပါးတို့ သတိပေးသောအားဖြင့်သတိ
ဖြစ်ပုံကား အချင်း သတိထားလော့။ အချင်း သတိ
ထားလော့ ဟု သူတစ်ပါးတို့က တဖွဖွသတိပေး၍
သတိရခြင်းတည်း။

၁၁။ အက္ခရာအရေးအသားအားဖြင့် သတိဖြစ်ပုံကား
အက္ခရာအရေးအသားကို သင်ကြားတတ်မြောက်
ထားသဖြင့် အက္ခရာများကို နေသားတကျရေးတတ်
ခြင်းတည်း။

၁၂။ အရေအတွက်အားဖြင့် သတိဖြစ်ပုံကား ဂဏန်း
သင်္ချာအတတ်ကို တတ်မြောက်ထားသောကြောင့်
များပြားလှသောကိန်းဂဏာန်းတို့ကိုတွက်ချက်နိုင်ခြင်း
တည်း။

၁၃။ နှုတ်ငုံဆောင်သောအားဖြင့် သတိရပုံကား
နှုတ်ငုံဆောင်၍ သင်ကြားထားပြီးသူတို့သည်ကျမ်း
ပေါင်းများစွာကို အလွတ်ပြန်ဆိုနိုင်ခြင်းတည်း။

၁၄။ ကမ္မဋ္ဌာန်းစီးဖြန်းသောအားဖြင့် သတိဖြစ်ပုံကား
သမထကမ္မဋ္ဌာန်းပွားများ၍ အဘိညာဉ်ရရှိပြီးသူသည်
ရှေးရှေးဘ၀များစွာကို သတိရခြင်းတည်း။

၁၅။ ပေ၊ ပုရပိုက်၊ စာအုပ်တို့ကိုဖတ်ရှု၍ သတိဖြစ်
ပုံကား မင်းတို့သည် တရားစစ်ဆေးရာ၌ မေ့လျော့
သော ဥပဒေအချက်အလက်တို့ကို ပေ၊ ပုရပိုက်၊
စာအုပ်တို့မှ ကြည့်ရှု၍ သတိရခြင်းတည်း။

၁၆။ အနီး၌ချထားခြင်းဖြင့် သတိဖြစ်ပုံကား အနီး၌
ချထားသော ဥစ္စာဘဏ္ဍာကို သတိရခြင်းတည်း။

၁၇။ သုံးဆောင်ခံစားဖူးခြင်းဖြင့် သတိဖြစ်ပုံကား
မိမိတွေ့ကြုံခံစားဖူးသော အာရုံခြောက်ပါးတို့ကို
သတိရခြင်းတည်း။

မင်းမြတ်၊ တစ်ဆယ့်ခုနှစ်ပါးသော ဤအကြောင်းတို့
ကြောင့် သတိဖြစ်ပေါ်လာပေ၏။

အရှင်ဘုရား၊ သင့်လျော်လှပါပေ၏။

မိလိန္ဒပဥှာ