ဘ၀တစ်ကွေ့ခဏတွေ့(၃)မှ မှတ်သားစရာ

ပုထုဇဉ်တို့၏ လားရာဂတိသည် မရေမရာ
သွားနေလျှင် ပိုင်းခြားသတ်မှတ်မမြဲတတ်
ချေ။ စိတ်မတည်ငြိမ်တတ်သဖြင့် တဏှာ
တိမ်းညွှတ်ရာရောက်သွားတတ်သည်။
အကုသိုလ်အလေးချိန်များနေလျှင် အကု
သိုလ်တွန်းချရာသို့လည်း ရောက်သွားတတ်
သည်။

ရှေးအခါက ပါဋလိမြို့ ထီးနန်းစိုက်၍အုပ်ချုပ်
သော အဿကမင်းကြီးတွင် ဥပရီမည်သော
အလွန်လှပချောမွေ့သော မိဖုရားခေါင်ကြီး
ရှိသည်။ မြန်မာလို ဒေါ်မြင့်မြင့်ဟုခေါ်ရမည်
ဖြစ်သည်။ ထိုမိဖုရားကြီးမကြာမှီကွယ်လွန်
သွားသည်။ အဿကမင်းကြီးက ချောလွန်း
လှလွန်း ချစ်မြတ်နိုးလွန်းလှသဖြင့် မိဖုရား
ကြီး၏အလောင်းကောင်ကို မီးမရှို့ရက်မြေ
မဲမြှပ်ရက်ဘဲ ဆေးစိမ်ထားကာ နေ့တိုင်းမ
စားနိုင်မသောက်နိုင် အလောင်းကောင်ကို
ကြည့်ကြည့်ပြီး ပူဆွေးငိုကြွေးနေသည်။
မည်သူမျှတရားရအောင် နားချ၍မရ။ နေ့စဉ်
မပြတ် ငိုလာခဲ့ရာ ခုနှစ်ရက်ကြာသွားသည်။

ဘုရားအလောင်းဈာန်အဘိညာဉ်ရရသေ့ကြီး
သည် အဿကမင်းကြီး၏သောက ပရိဒေ၀
မီးကို ငြှိမ်းပေးရန်တန်ခိုးဖြင့် မင်းဥယျာဉ်သို့
ကြွသွား၏။ မိဖုရားကြီးဥပရီကိုမြင်လိုလျှင်
ဥယျာဉ်သို့လာခဲ့ဟု လုလင်တစ်ယောက်မှ
တစ်ဆင့် သတင်းပို့လိုက်သည်။ မိဖုရားကြီး
ကိုမြင်လိုလှသဖြင့် အဿကမင်းကြီးဝမ်း
မြောက်ဝမ်းသာ စိတ်အားတက်ကြွစွာ ဥယျာဉ်
သို့ရောက်လာ၍ ဘုရားလောင်းရသေ့ကိုရှိ
ခိုးကာထိုင်နေပြီး

အရှင်ဘုရား မိဖုရားကြီးရဲ့ဖြစ်ရာအရပ်ကိုသိ
တယ်ဆိုတာ ဟုတ်ပါသလား။

ဟုတ်ပါတယ်မင်းကြီး။

ဘယ်မှာဖြစ်သလဲ ဘုရား။

မိဖုရားကြီးက ရုပ်အဆင်းလှလွန်းတော့ အလှ
မာန်ယစ်ပြီး မေ့လျော့ပေါ့ဆလွန်းလို့ ကောင်းမှု
မပြုမိတာကြောင့် ဒီဥယျာဉ်ထဲမှာပဲ နွားချေးပိုး
မကြီးဖြစ်နေရဲ့ဗျာ။

အာ အရှင်ဘုရား မဖြစ်နိုင်တာဘဲ မယုံနိုင်ပါဘူး။

အဲဒီလိုဆို ခေါ်ပြီး ပြပေးမယ်လေ။

ပြပေးပါဘုရား။

ဘုရားလောင်းက နွားချီးပိုးထိုးကြီး၊ နွားချေးပိုး
မကြီးနှစ်ကောင် အဿကမင်းရဲ့ရှေ့မှာရောက်
လာကြစေဟု တန်ခိုးတော်ဖြင့် ခေါ်လိုက်၏။
ချက်ချင်းပိုးကောင်ကြီးနှစ်ကောင် ရောက်လာ
ကြသည်။

ဟောဒီမှာမင်းကြီး နွားချေးပိုးထိုးကြီးရဲ့နောက်
က လိုက်လာတဲ့ နွားချေးပိုးမကြီးဟာ ဒကာ
တော် ချစ်မြတ်နိုးလှတဲ့ ဥပရီမိဖုရားကြီးပဲ။

တပည့်တော်ရဲ့ မိဖုရားချောကြီး ဒီလိုစက်ဆုပ်
စရာကောင်းတဲ့ နွားချေးပိုးမကြီးဖြစ်နိုင်စရာအ
ကြောင်းမရှိပါ။ မယုံနိုင်ပါဘူးဘုရား။

ဒီလိုဆို စကားအပြောခိုင်းမယ်လေ။

ခိုင်းပါဘုရား။

ဘုရားအလောင်းက တန်ခိုးတော်ဖြင့် ဥပရီ
ဟုခေါ်လိုက်၏။

ဘာပါလဲ အရှင်ဘုရားဟုပြန်ထူးသည်။

သင်က အရင်ဘ၀က ဘယ်သူလဲ။

အဿကမင်းကြီးရဲ့မိဖုရားကြီး ဥပရီပါ
ဘုရား။

ယခုသင်ဟာ အဿကမင်းကြီးနှင့် ပိုးထီး
ကြီးနှစ်ဦးမှာ ဘယ်သူ့ကိုပိုချစ်သလဲ။

အရင်ဘ၀ကခင်ပွန်းထက်ယခုဘ၀ခင်ပွန်း
ကို ပိုချစ်ပါတယ်။ ဘ၀ဟောင်းချုပ်လို့ဘ၀
သစ်ရောက်လာချိန်ကစပြီး အဿကမင်း
ကြီးဟာ ကျွန်ုပ်အတွက်ဘာမျှ အကျိုးမရှိ
တော့ပါ။ ဖြစ်နိုင်လျှင် အဿကမင်းကြီးကို
သတ်ပြီး လည်ချောင်းသွေးနဲ့ ပိုးထီးကြီးရဲ့
ခြေကိုဆေးပေးချင်ပါတယ်။

ဤသို့ပိုးမကြီးဖြေဆိုသံကို အဿကမင်း
ကြီးကြားရသောအခါ စိတ်မချမ်းမသာဖြစ်
သွားပြီး

ဒီလိုမှန်းသိရင်ဘာလို့စိတ်အပင်အပန်းခံ
တော့မှာလဲ။ အစောကြီးကတည်းက အ
လောင်းကောင်ကို လွှင်းပစ်မှာပေါ့ဟုဆို
ကာ အခမ်းအနားဖြင့်သဂြိင်္ုလ်မနေတော့
ဘဲ မိဖုရားကြီးလောင်းကောင်ကို လွှင့်ပစ်
လိုက်လေသည်။

အဿကမင်းကြီးသည် စောစောကအ
ကြောင်းကို မသိသဖြင့် စွဲမိစွဲရာစွဲပြီးမအိပ်
နိုင် မစားနိုင်လောက်အောင် သောကပရိ
ဒေ၀ အပူမီးကြီးစွာလောင်ခဲ့လေသည်။
အကြောင်းမှန်ကိုသိသွားသောအခါ မိဖုရား
ကြီးအပေါ် တပ်မက်မှုကင်းကာ သောက
ပရိဒေ၀မီးငြိမ်းအေးသွားသည်။

မိမိနှင့်ဆက်စပ်သူ သေသွားလျှင် သေသူ
ကို ရည်စူး၍ ကျန်ရစ်သူက ကုသိုလ်ပြုပြီး
အမျှပေးဝေခြင်းသည် မြင့်မြတ်သော လူ့
ကျင့်ဝတ်ပင်ဖြစ်၏။ သေသွားသူအပေါ်
အစွဲအလမ်းကြီးစွာဖြင့် ပူလောင်ရှုပ်ထွေး
စွာ အမျှဝေခြင်းမျိုးသည် အကျိုးမများပါ။
မေတ္တာတရားဖြင့် သန့်ရှင်းအေးမြစွာကူ
ညီချီးမြှောက်သည့် သဘောမျိုးသာဖြစ်ရ
ပါမည်။

သေသွားသူသည် ဒေ၀ မနုဿ နိရယ
ပေတ တိရစ္ဆာန်ဟုသွားရာဘ၀ငါးမျိုးအနက်
ပေတဂတိကို ရောက်မှ အမျှပေး၍ အကျိုး
ခံစားခွင့် ရှိသည်။ မနုဿ(လူ)၊ နိရယ(ငရဲ)
တိရစ္ဆာန်ဘ၀မျိုးသို့ ရောက်သွားလျှင် အမျှ
ပေးသည်ကို ကြားနိုင်မည်မဟုတ်။ ခံစားခွင့်
ရနိုင်မည်မဟုတ်ပါ။ ဒေ၀ နတ်ဗြဟ္မာဘ၀
ရောက်လျှင် သာဓုခေါ်နိုင်သော်လည်း ကျန်
ရစ်သူကပေးလိုက်သော ကုသိုလ်အဖို့ကိုသူ
က မျှော်လင့်လိမ့်မည် မဟုတ်ပါ။ သီလရှိသူ
အား လှူရမည်။ရည်စူးရမည်။ အမျှပေးရ
မည်။ ဘ၀တစ်ပါးရောက်သူသိ၍ သာဓုခေါ်
နိုင်ရမည်။ သို့မှသာအကျိုးခံစားခွင့်ရှိသည်။
နောက်ဆုံးပိတ်မိမိတော့ရပြီးသားပါတည်း။
သေသွားသောသူအပေါ် ကျေးဇူးသိတတ်
သည့်ဂုဏ် အကျိုးလိုလား မေတ္တာထားတတ်
သည့် ဂုဏ်ကလည်း တန်ဖိုးမဖြတ်နိုင်အောင်
ကျန်ရစ်ပေသည်။

ကိုယ့်မှာရှိပြီးသည်ကိုသာ သေပြီးသူအတွက်
အမျှပေးဝေရသည်ဖြစ်သောကြောင့် ရှေးဦးစွာ
မိမိကကုသိုလ်အကောင်းစားရအောင်ပြုရ
မည်။ မိမိ၌နည်းနည်းရှိလျှင် နည်းနည်းသာ
ပေး၍ဖြစ်နိုင်မည်။ များများရှိထားမှ များများ
ပေးနိုင်မည်ဖြစ်သည်။ အညံ့စားရှိထားလျှင်
အညံ့စားကိုသာ ပေးနိုင်၍ အကောင်းစား
ရှိထားမှ အကောင်းစားကိုသာပေးနိုင်မည်
ဖြစ်သည်။ သို့ဖြစ်၍ ကုသိုလ်ကို အကောင်း
ဆုံးဖြစ်အောင်လုပ်တတ်ဖို့ကား ကျန်ရစ်သူ
၏ အရေးအကြီးဆုံးတာဝန်တည်း။

ဒါန သီလ သမထ ၀ိပဿနာဟူသောအထုပ်
ကြီး လေးထုပ်ကို ကောင်းစွာထုပ်ပြီးနောက်
(သို့) သီလ သမာဓိ ပညာ သိက္ခာသုံးရပ် အ
ကျင့်မြတ်ပေါ်တွင် ဒါနရိက္ခာထုပ်ကို တင်ပြီး
နောက် အမျှပေးကာ တင်ပို့လိုက်ရမည်ဖြစ်
သည်။ ပစ္စည်းသည်ကိုယ်ပိုင်မဟုတ်ဘဲဘုံ
ဆိုင်သာဖြစ်၍ အမျှပေး၍မရပါ။ ဘုံဆိုင်တ
ရားကို ကိုယ်ပိုင်တရားဖြင့်လဲလှည်ပြီးမှအမျှ
ဝေ၍ဖြစ်သည်။

အမျှပေးသည်ကို သိရှိခွင့်ရ၍ ၀မ်းမြောက်ဝမ်း
သာ သာဓုခေါ်လျက်အမျှကိုယူနိုင်လျှင်ဘ၀
တစ်ပါး ပြောင်းသွားသူသည် ကုသိုလ်ပြုသူ
နှင့် ထပ်တူအဖို့ရကာ ချမ်းသာခွင့်ရသွားသည်။
သေလွန်သွားပြီးသူကို ရည်စူး၍ကုသိုလ်ပြုခြင်း
ကို မေတ္တာတရားရှေ့သွားပြု၍ တရားထမင်း
ဝိုင်းကြီးကိုပြင်ပြီး ဧည့်ခံနေသည်ဟုမြင်အောင်
ကြည့်ရှုသုံးသပ်တတ်ဖို့ လိုအပ်လှပေသည်.။
ဘ၀တစ်ကွေ့ခဏတွေ့ခိုက်အကျိုးရှိရှိကူညီ
ပေးခြင်းပင်ဖြစ်ပေသည်။

အားလုံးချမ်းမြေ့ပါစေ။

တိပိဋကယောဆရာတော်