သဗ္ဗေသင်္ခါရာ အနိစ္စာတရားတော်

စိတ္တာနုပဿနာ ရှုနည်းကို ဟောကြား
သော တရားဖြစ်သည်။ဝင်လေစိတ် ဖြစ်
ပျက်၊ ထွက်လေစိတ် ဖြစ်ပျက်ကို ဉာဏ်
နှင့်လိုက်ပေး ဆိုသောစကားဖြင့် စတင်
ဟောကြားသည်။ ၀င်လေစိတ် ထွက်
လေစိတ် ရှုနေစဉ် ဉာဏ်လိုက်နေစဉ်
ကြားစိတ် ပေါ်လာပါက ကြားစိတ် ဖြစ်
ပျက်ကို ရှု။ ရှုစရာ အခြားစိတ် မရှိလျှင်
ဝင်လေစိတ်၊ ထွက်လေ စိတ်ကို ပြန်
ကောက်။ စိတ်သည် တစ်ချိန်တွင် တစ်
ခုသာ ပေါ်သည်။ ဧကစိတ္တ သမ္ပယုတ္တာ။
ပဉ္စဒွါရ ငါးပေါက်မှာပေါ်သော စိတ်တွေ
ကိုရှု။ မဟုတ်လျှင် မနောဒွါရမှာ ပေါ်
သော စိတ်ကိုရှု။ ဘယ်စိတ်ဖြစ်ဖြစ် ပေါ်
ပြီးပျက်တာပဲ။ စိတ္တာနုပဿနာမှာအပြင်
ကလာသော ဧည့်သည်စိတ် ခြောက်
ယောက်။ မြင်စိတ်၊ ကြားစိတ်၊ စားစိတ်၊
နံစိတ်၊ ဖျားနာ၊ကောင်းစိတ်။ အတွင်းက
လာသော ဧည့်သည်စိတ် ငါးစိတ်။ လော
ဘစိတ်၊ ဒေါသစိတ်၊ မောဟစိတ်၊ အလော
ဘ၊ အဒေါသ အမောဟကို မထည့်ရ။
အမောဟသည် ပညာစေတသိက် ရှုဉာဏ်
ဖြစ်သည်။ ဤတရားတွင် အပြင်ဧည့်သည်
ခြောက်ယောက်၊ အတွင်း ဧည့်သည် ငါး
ယောက်ဟု ဟောသည်။ ဤအမှတ်စဉ် ၁
စာအုပ်အဖွင့်တွင် စိတ္တာနုပဿနာ အကျဉ်း
ကို ပြထားရာတွင်မူ အပြင်ဧည့်သည် ငါး
ယောက် အတွင်းဧည့်သည် ခြောက်ယောက်
ဟုပြထားသည်။ ကွဲလွဲနေသည်။ အိမ်သည်
စိတ်နှစ်ခုမှာ ၀င်လေစိတ်၊ ထွက်လေစိတ်
ဖြစ်ကြောင်းလည်း သတ်မှတ်ပြထားသည်။
စိတ်ကိုရှုလိုက်လျှင် သဗ္ဗေသင်္ခါရာ အနိစ္စာ
ချည်းဖြစ်သည်။ ၄င်းကို ယဒါပညာယ ပဿ
တိ ဆိုသော ပါဠိအရ အကြင်စိတ်တို့၏ ဖြစ်
ပျက်ပုံကို ပညာယ-အမောဟပညာနဲ့ ပဿ
တိ ရှုပေး။ ပေါ်ပလား ဟု ရှင်းရှင်းဆိုထား
သည်။ ဤ ပါဠိသည် ရွတ်ဖို့မဟုတ်၊ အလုပ်
လုပ်ဖို့ အလုပ်စဉ်ကိုပြသော ပါဠိဖြစ်ကြောင်း
လည်း တစ်မူထူးခြားသော အမြင်ကို ဖော်ပြ
ထားပါသည်။ စိတ်တွေဖြစ်ပြီး ပျက်သွားတာ
ကိုပညာက ပဿတိ ရှုလို့ မြင်လိုက်သည်။
ဤအတိုင်း ရှုနေလျှင် အားချိန် နားချိန် မရှိပါ။
သို့မှသာ ကိလေသာ ကြား မထိုးနိုင်ပါ။ ကိ
လေသာ ကြားမထိုးလျှင် မနက်အားထုတ်
ညနေ မဂ်ဉာဏ် ဖိုလ်ဉာဏ်ရသည်။

ထို့ကြောင့် ကိလေသာကြားမခိုဖို့ အရေးကြီး
သည်။ ကြားထိုးတယ် ဆိုတာ အနိစ္စလက်
လွတ်တာကို ပြောတာ။ သဗ္ဗေသင်္ခါရာ အနိ
စ္စာနှင့် ယဒါပညာယ ပဿတိ ကြားမှတစ်ခု
ခု ကိလေသာဝင်လာလို့ဖြစ်တာဟုဆိုသည်။
ဆရာတော်က ကိလေသာကြား တိုးလာ
လျှင်လည်း ထိုကိလေသာကို ဧဟိပဿိ
ကောနှင့် ရှုရမည်၊ သူက ငါ့ကို ရှုပါဆိုတာကို
ရှုလိုက်လျှင် ကိလေသာကြားမခိုနိုင်ကြောင်း
သွန်သင်ထားသည်။ ထူးခြားသော အမြင်ပင်။
ရှေ့တစ်ဆင့် ၀ိပဿနာရှု၊ ၀ိပဿနာက ကံ
ကိုဖြတ်တာ၊ နိဗ္ဗာန်သွားချင်တဲ့သူ ကံလုပ်နေ
လို့ မဖြစ်ဘူး။ တဏှာစားခွက် မှောက်ထား
ဟု စကားပြင်းပြင်းနှင့် ဆုံးမလမ်းညွှန်ထားပါ
သည်။

ကံနှင့် ဒီဘ၀မှာ ဟိုးဘ၀ကို ရောက်အောင်
လုပ်ထားသည်။ ထောင်ပြောင်းတာဟုပြညွှန်
တော်မူပြီးသစ္စာဉာဏ်နှင့် လုပ်မှသာဝဋ်ကျွတ်
ချင်လို့ လုပ်တာ။ ထိုသို့မဟုတ်ပဲ ဘ၀ သမ္ပတ္တိ
လိုချင်လို့လုပ်တာ ဖြစ်ပါက ရှေ့တိုးပြီးနောက်
ထပ် ထောင်ချခိုင်းတာနှင့် တူကြောင်းဟော
ထားပါသည်။ ၀ိပဿနာအလုပ်မှာ သံသရာ
ဝဋ်ကျွတ်ချင်လျှင် ကံကိုအားမကိုးရကြောင်း
ပြတ်ပြတ်သားသား ပြဆိုတော်မူထားပါသည်။

ဆန်းလွင် ရှင်အာဒိစ္စရံသီ
မိုးကုတ်ဝိပဿနာ အလုပ်စဉ်တရားအနှစ်ချုပ်