ဓာတုဝိဘင်္ဂသုတ် အနှစ်ချုပ် တရားတော်မှ-"

ဗုဒ္ဓမြတ်စွာက တရားနာ ပရိတ်သတ်တွေရဲ့ စရိုက်အားလျော်စွာ ထိုထိုသုတ္တန်များကို ဟောကြားလေ့ရှိပါတယ်။
ဓာတုဝိဘင်္ဂသုတ် ဆိုတာ ဒီဃနိကာယ်၊ သံယုတ္တနိကာယ်၊ အင်္ဂုတ္တရနိကာယ်၊ မဇ္ဈိမနိကာယ်၊ ခုဒ္ဒကနိကာယ် လို့ နိကာယ်ငါးရပ်ရှိတဲ့အထဲမှာ မဇ္ဈိမနိကာယ် ထဲမှာပါတယ်။
မဇ္ဈိမနိကာယ်မှာ သုတ်ပေါင်း ၁၅၂ သုတ် ရှိတဲ့အနက် ဓာတုဝိဘင်္ဂသုတ်ကို သုတ်တစ်သုတ်အဖြစ် ထည့်သွင်း မှတ်တမ်းတင်ထားတယ်။ ဓာတုဝိဘင်္ဂသုတ်မှာ မြတ်စွာဘုရားက အဆင့်မြင့်မြင့် ၀ိပဿနာတရားကို ဟောကြားထားတာဖြစ်လို့ တရားနာတဲ့ ပုဂ္ဂိုလ်တွေအနေနဲ့ ဒီသုတ္တန်ရဲ့ သဘောတရားကို နားလည်ဖို့ အလေးအနက် အာရုံစိုက်ပြီးတော့နာဖို့ လိုအပ်ပါတယ်။
ဗုဒ္ဓမြတ်စွာကလည်း တရားဟောခါနီးမှာ အမြဲတမ်း မိန့်ကြားလေ့ရှိတယ်။
"သာဓုကံ သုဏောဟိ မနသိကရောဟိ တဲ့။
သာဓုကံ - တကယ့်လေးလေးစားစား၊
သုဏောဟိ - နားစိုက်ပြီး ထောင်ပါတဲ့။
မနသိကရောဟိ - စိတ်ထဲမှာ မှတ်ထားပါ၊ နှလုံးသွင်းပါလို့ တရားဟောတိုင်း တရားဟောတိုင်းမှာလိုလို မြတ်စွာဘုရားက သတိပေးလေ့ရှိတယ်။
မြတ်စွာဘုရားဟောတဲ့ တရားတော်တွေဟာ အာရုံစိုက်ပြီး သဘာဝတရား ဆိုက်အောင်နာမှ ဆိုလိုရင်း အဓိပ္ပာယ်ကို ပေါ်လွင်ထင်ရှားစေနိုင်တယ်။
ဓာတုဝိဘင်္ဂသုတ်မှာ ၀ိပဿနာကျင့်စဉ်တစ်ခုကို တရားနာပုဂ္ဂိုလ်၏ စရိုက်အားလျော်စွာ မြတ်စွာဘုရားက ရှင်းလင်းဟောထားတာ ဖြစ်ပါတယ်။
ဓာတုဝိဘင်္ဂ မှာ ဓာတု ဆိုတာ "ပုဂ္ဂိုလ် သတ္တဝါ ဇီဝ" ဆိုတာမျိုးလို အပြောထဲမှာသာရှိတဲ့ တရားမျိုး မဟုတ်ဘူး။

တကယ့်ကို သဘာဝအားဖြင့် ရှိနေတဲ့ တရားကို "ဓာတု" လို့ ခေါ်တယ်။
"အတ္တနော သဘာဝံ ဓာရေတီတိဓာတု" သူ့သဘာဝအတိုင်းသူ ထင်ရှားရှိနေတာကို ဓာတု။

မြတ်စွာဘုရားက ဓာတ်အမျိုးမျိုး ဟောတယ်။ အဘိဓမ္မာမှာဆိုရင် ဓာတ် (၁၈)ပါး ဟောထားတာရှိတယ်။ ဒီတရားတွေက အလွန်လေးနက်သော်လည်း လူနဲ့ အလွန်နီးစပ်တဲ့ တရားတွေ ဖြစ်တယ်။

လောကမှာ နီးပင်နီးသော်လည်း မမြင်တာတွေက အများကြီး၊
မမြင်နိုင်တာတွေက အများကြီး။
မြင်ဖို့ ခက်တယ်။
"ဒုဒ္ဒသတ္တာ ဂမ္ဘီရံ၊ ဂမ္ဘီရတ္တာ ဒုဒ္ဒသံ" နက်နဲတယ်ဆိုတဲ့ သဘာဝတရားတွေဟာ တချို့ဟာက "မြင်ဖို့ခက်လို့ နက်နဲတာ"၊
ဝေးလို့ မမြင်နိုင်တာမျိုး မဟုတ်ဘူး။
နက်နဲလို့ မမြင်နိုင်တာတော့ မဟုတ်ဘူး။
မြင်ဖို့ သတိမူရန် ခက်ခဲတဲ့အတွက်ကြောင့် နက်နဲတယ်။
တချို့တရားကတော့ အဲဒီလိုမဟုတ်ဘူး။
"နက်နဲလို့ မြင်ဖို့ခက်တာ"၊
ဆိုပါစို့
နီးလျက်သားနွှဲ မမြင်ရဘူး
ဝေးလို့ မမြင်ရဘူး နှစ်မျိုးရှိနိုင်တယ်။
ဝေးနေရင်လည်း မမြင်ရဘူး၊ နီးလျက်သားနဲ့လည်း မမြင်ရတာ ရှိတယ်။
အေး
"ဓာတု" ဆိုတဲ့ သဘာဝတရားတွေက ကိုယ့်ခန္ဓာကိုယ်မှာ ရှိတယ်။
လူတိုင်း လူတိုင်းမှာ ရှိနေတဲ့တရားတွေ ဖြစ်တယ်။

အဲဒီ လူတိုင်း လူတိုင်းမှာ ရှိနေတဲ့တရားဟာ အလွန် နီးကပ်တယ်။
ကိုယ်ထဲမှာ ရှိနေသော်လည်းပဲ မြင်ဖို့ခက်ခဲသည့်အတွက်ကြောင့် ဂမ္ဘီရ နက်တယ် လို့ ဒီလိုပြောတာ။
ဟို နိဗ္ဗာန်တို့ ဘာတို့ကျတော့ နက်နဲလွန်းအားကြီးလို့ မမြင်နိုင်ဘူးလို့ပြောတာ။

ဓာတု ကို English လိုပြန်တဲ့အခါကျတော့ Element လို့ ပြန်တာပေါ့။ အဲဒီတော့ "ဓာတုဝိဘင်္ဂ" ကို Analysis of Element လို့ ဆိုရမှာပေါ့။
လူတွေရဲ့ သန္တာန်မှာရှိတဲ့ သဘာဝဓာတ်တရားကို ခွဲခြားစိတ်ဖြာပြီးတော့ မြတ်စွာဘုရားက ဟောတော့ ကိုယ့်ခန္ဓာလေးကို ကိုယ်က အာရုံစိုက်လိုက်လို့ရှိရင် ဒီသဘောတရားတွေ တွေ့လာမှာဖြစ်ပါတယ်။

အေး ဒီသုတ္တန်ဟောတဲ့အခါမှာ တရားနာ ပုဂ္ဂိုလ်က တစ်ဦးတည်းပဲရှိတယ်။ ဟောတဲ့နေရာကလည်း ခမ်းခမ်းနားနားကြီး မဟုတ်ဘူး။ အိုးထိန်းသည် တစ်ဦးရဲ့ အိုးလုပ်တဲ့တဲကြီးထဲမှာ ဟောတာ။ ဟောတဲ့အချိန်ကလည်း ညသန်းခေါင်ကျော်တဲ့အချိန်၊
တရားနာ ပရိသတ်ကလည်းပဲ ပုက္ကုသာတိ-တစ်ဦးတည်းပဲ ရှိတယ်။

တရားနာပရိသတ်နဲ့ တရားဟောတဲ့ မြတ်စွာဘုရားသခင် ကိုယိတော်မြတ်ဟာ တစ်ဦးနှင့်တစ်ဦး ဆက်သွယ်မှု မရှိဘူး။
တရားနာနေတဲ့ ပုဂ္ဂိုလ်က တရားဟောနေတဲ့ ပုဂ္ဂိုလ်ကို ဘယ်ပုဂ္ဂိုလ်ဆိုတာ မသိဘူး။ ဘုရားမှန်း မသိဘူး။
အဲဒီလို အခြေအနေနဲ့ ဟောထားတဲ့ သုတ္တန်တစ်ခု။
ဒါကြောင့်မို့ "အိုးထိန်းသည်ရဲ့ တဲထဲက တရားပွဲ" လို့ ဒီလိုမှတ်ထားပေါ့။

ကဲ သုတ္တန်ကလေး စလိုက်ကြရအောင်၊ အနှစ်ချုပ်ကို ဟောမှာ ဖြစ်သည့်အတွက်ကြောင့် ဘုန်းကြှးတို့ ပါဠိတွေကို များများမရွတ်တော့ဘဲနဲ့ မြန်မာလို ရှင်းပြီးတော့ ပြောရအောင်။
ဘယ်သုတ္တန်ပဲဖြစ်ဖြစ် သုတ္တန်ဖြစ်ပေါ်လာပုံလေးက စပြီးပြောမှ ပိုပြီးအဆင်ပြေတယ်။.................
(အပြည့်အစုံ မတင်ဖြစ်တာကို သည်းခံပါရှင်)

*ဘိက္ခု ဆိုတာ ဆွမ်းတွေ၊ ဟင်းတွေ၊ ထမင်းတွေ နေ့စဉ် စားစရာ သောက်စရာတွေကို ချက်ပြုတ်ပြီးတော့ မစားတော့ဘူး။ ဆွမ်းခံပြီးတော့ စားတဲ့ ပုဂ္ဂိုလ်တွေပေါ့။ အခု မြန်မာပြည်မှာ ထေရ၀ါဒ ဗုဒ္ဓသာသနာ ထွန်းကားတဲ့နိုင်ငံဆိုတော့ ဘိက္ခု ဆိုရင် ထေရ၀ါဒ ဘုန်းကြီးပဲလို့ ဒီလိုပဲ အောက်မေ့ကြမှာပေါ့။

*မြတ်စွာဘုရားရဲ့ ပုံပန်းသဏ္ဌာန်ဟာ အများနှင့် ဆင်တူတယ်။ ခုခေတ် ထုလုပ်ထားတဲ့ ရုပ်တုကျတော့ ထူးထူးခြားခြားကြီးတွေ ဖြစ်နေတာပေါ့။ အမှန်တော့ မြတ်စွာဘုရားဟာ "သမဏော ဂေါတမော" ရဟန်းဂေါတမဆိုတဲ့ နာမည်နဲ့ ရဟန်းတော်တစ်ပါးပဲ။ လူသားရဟန်း ဖြစ်သည့်အတွက်ကြောင့် ထိုခေတ်ထိုအခါကာလက လူတွေရဲ့ အရပ်အမောင်းမျိုး ရှိမှာပေါ့။
အေး ဘုရားဆိုတော့ ထွားထွားကျိုင်းကျိုင်း ရုပ်ဆင်းသပ္ပါယ်ပြီး ချောချောမောမောတော့ ရှိမှာပေါ့နော်။
သို့သော်လည်း ကြည့်လိုက်လို့ ရှိရင်တော့ ရဟန်းတော်တစ်ပါးဟာ ရဟန်းတော်တစ်ပါးပဲပေါ့။ တစ်ခါတုန်းက ရဟန်းတော်တွေက အစည်းအဝေးခန်းမမှာ ထိုင်နေကြတယ်၊ ညီတော်ဖြစ်တဲ့ ရှင်နန္ဒက မြတ်စွာဘုရားဝတ်တဲ့ သင်္ကန်းမျိုး ခပ်ဖားဖား သင်္ကန်းကြီးကိုဝတ်ပြီး ခပ်လှမ်းလှမ်းကလာတာ၊ ညီအစ်ကိုဆိုတော့ ရုပ်ကတူတာပေါ့၊ ရှင်နန္ဒကြွလာတာကို ခပ်လှမ်းလှမ်းက မြင်ကြရတဲ့ ရဟန်းတော်တွေက "ဟိုမှာ ဘုရားကြွလာပြီ၊ ဘုရားကြွလာပြီ" ဆိုပြီးတော့ ခရီးဦးကြိုဆိုဖို့ အဆင်သင့် ထကြတယ်။ အနီးနား ရောက်လာတဲ့အခါကျတော့မှ ဘုရားမဟုတ်ဘူး ညီတော်နန္ဒမှန်းသိကြတယ်တဲ့။ ၀ိနည်းပါဠိတော်ထဲမှာ မှတ်တမ်းတစ်ခု ရှိတယ်ပေါ့။
ရှင်အာနန္ဒာဟာ ဘုရားရဲ့ညီတော်၊ မြတ်စွာဘုရားထက် လက်အရပ်လေးသစ်ပဲ နိမ့်တယ်တဲ့၊မြတ်စွာဘုရားနဲ့ အရပ်အမောင်း ခပ်ဆင်ဆင်၊ ရုပ်ကလည်း ညီအစ်ကိုဆိုတော့ တူတာပေါ့နော်။ မြတ်စွာဘုရားကို တစ်ခါတစ်ရံ မထင်မရှား ကြွလာတဲ့အခါကျတော့ သာမန် ရဟန်းတော်တစ်ပါးလို့ ဒီလိုပဲ ထင်ကြတယ်။ တပည့်ပရိသတ်နဲ့ ခမ်းခမ်းနားနား နောက်ပါတွေနဲ့ ကြွလာတဲ့အခါကျတော့ ဘုရားရဲ့ ဂုဏ်ကျက်သရေတွေ ကြည့်လိုက်လို့ရှိရင်သာ ဒါ ဘုရားပဲလို့ ကွဲကွဲပြားပြား သိနိုင်တာ။

အဂ္ဂမဟာပဏ္ဍိတ အရှင်နန္ဒမာလာဘိဝံသ(Ph.D)